Әншілердің фонограмамен ән айтуына шектеу қоятын петиция жарияланды. Бастаманы әзірге бірнеше адам қолдап дауыс берген.
«Қазақстанда музыкалық сала белсенді дамып келеді. Ай сайын республика аймақтарында отандық және шетелдік өнерпаздардың концерттері өтеді. Орындаушылардан қайталанбас тәжірибе мен эмоционалды қарым-қатынасты күткен көрермендер концерттік бағдарламалардың сапасының төмендігімен, атап айтқанда саундтректердің кеңінен қолданылуымен бетпе-бет келіп отыр. Сонымен қатар, соңғы жылдары концерттік билеттер құны айтарлықтай өсті. Біз, Қазақстан азаматтары, қазіргі жағдайға көңіліміздің толмайтынын білдіреміз және еліміздің музыка индустриясында фонограммаларды пайдалануды реттеуді талап етеміз» деп жазылған. Атап айтқанда:
- музыкалық қойылымдарда фонограммаларды қолдануға тыйым салатын шараларды енгізу;
-Жанды дауысты ән орындайтынотандық әртістерді қолдау, олардың шығармашылық дамуы үшін жағдай жасау және ынталандыру;
- Музыкалық мәдениетіміздің болашағын қамтамасыз ету үшін жас музыканттарды дайындау және қолдау,- делінген петиция хатында.
«Осы маңызды мәселені қоғамда талқылап, мемлекет тарапынан тиісті шаралар қабылдауға шақырамыз»,- дейді Серік Әбішов есімді азамат.
