Енді 5-8 және 10-сынып оқушылары қазақ тілінен емтихан тапсырады
Қазақстанда жаңа оқу жылынан бастап 5-8 және 10 сынып оқушылары қазақ тілінен емтихан тапсырады. Оқу-ағарту министрлігі осындай хабар таратты.
Онда «Қазақ тілі» пәнінен емтиханды 5-8, 10-сынып оқушылары тапсыратыны айтылған. Бұл өзгеріс келесі (2023-2024) оқу жылынан бастап енгізілмек.
«Қазақ тілінен емтихан жазбаша және ауызша түрде өтеді. Тыңдау, айту, оқу және жазу сияқты дағдылар бағаланады. Емтихан тапсырмаларын оқытушылар академиялық адалдық қағидаттарын сақтай отырып өздері құрастырады. Бұл пән бойынша қорытынды бағалар 5-8, 10-сыныптарда емтихан және жылдық бағалау қорытындылары бойынша қойылады» делінген министрлік хабарламасында. Айта кетерлігі, бұған дейін қазақ тілінен емтиханды тек 9 және 11-сынып оқушылары ғана тапсырып келген.
Бұған дейін Оқу-ағарту министрлігі бірінші сыныпта бірден үш тілді оқыту ережесін өзгертіп, қазақ мектептерінде бірінші сыныпта тек қазақ тілі ғана оқытылатын жасаған. Орыс тілін – екінші сыныптағы, ағылшын тілін үшінші сыныптағы пәндер қатарына қосқан. Ал орыс мектебіне баратын бірінші сынып оқушыларына орыс және қазақ тілі қатар оқытылады.
Басты бетте көрнекі фото
Байланысты жаналықтар
MalimBlocks
Депутат Қазбек Иса халықаралық құжаттың орыс тілінде жасалатынына наразы
Парламент мәжілісінің пленарлық отырысында депутат Қазбек Иса халықаралық құжатта орыс тілі қолданылатынана наразы болды. Ол Қазақстан мен Франция арасындағы келісім шарт қазақ, француз тілінен бөлек, не себепті орыс тілінде жасалғанын түсінбей дал. Бұған ашуланған Қазбек Иса мәжілістің мінберінде баяндама жасаған Энергетика министрі Алмасадам Сатқалиевке депутаттық сауал жолдады.