Министр Балаева мәдениет қайраткерлеріне «хабарлама жіберіп жүр»
Министрлік мұның алаяқтық екенін мәлімдеді
Мәдениет және ақпарат министрлігі соңғы уақыттары министр Аида Балаеваның атынан мәдениет қайраткерлеріне түрлі мәселе бойынша хабарламалар келіп түскен жағдайлар жиілеп кеткен, деп хабарлайды Malim.kz.
Мұндай хабарламалар алаяқардың ісі екенін мәлімдейміз. Аида Балаева мен Мәдениет және ақпарат министрлігі мұндай хабарламаларды электрондық пошта, әлеуметтік желілер, мессенджерлер және басқа да байланыс арналары арқылы жібермейді, деп жазды министрлік ресми мәлімдемесінде.
Сондықтан елді абай болуға және хатқа жауап бермеуге шақырады. Мұндай хабарламалар алған жағдайда былай әрекет етуді ұсынады:
1. Келген хатты елемеу, хатқа жауап бермеу.
2. Алаяқтық фактісі туралы құқық қорғау органдарына хабарлау.
Фото: Мәдениет және ақпарат министрлігі
