Жазушы Оразбек Сәрсенбаевтың "Өмірнама" атты күнделігіндегі жазбаларды жариялауды жалғастырамыз. Бұған дейін қаламгердің Сәбит Мұқанов, Қуандық Шаңғытбаев, Әбіш Кекілбаев, Қалмақан Әбдіқадыровтармен қарым-қатынасы туралы жазбасын ұсынған едік. Бұл жолы жазушы сүйсініп оқыған һәм ұнатпаған авторлары жөнінде пікір білдірген.
22 мамыр 1958 жыл
Балғабек Қыдырбекұлының «Ешкімге айтпа» деген фельетондар жинағын оқып шықтым. Ұнамады. Аздап Чернышевскийді қарадым.
23 мамыр 1958 жыл
Ауылдан Сейітқасым Сейтеновтен хат келді. Ол кісі тәуірлене бастапты. Ана Оразбек Бодықов ағамыз Шиеліден қашып кетіпті. Секең соған ренжулі көрінеді.
... Чернышевскийді біраз оқыдым. Оның сыншылығына дауым жоқ. Бірақ жазушылығы шамалы екен.
Оқи отырыңыз: Оразбек Сәрсенбаев: Қалмақан Әбдіқадыровтың әйелі салған әлек
24 мамыр 1958 жыл
Арсеньевтің «Дерсу Узала» деген кітабын оқып шықтым. Ұнады.
25 мамыр 1958 жыл
М.Иманжановтың жазған пьесаларын қарап шықтым. Ұнаған жоқ.
26 мамыр 1958 жыл
«Қазақ әдебиетіне» - Ізтай Мәмбетовке тағы бардым. «Сәт сапар» бермекші болып қалды.
27 мамыр 1958 жыл
... Бүгін жалғыз өзім кинотеатрға барып, «Господин 420» картинасын көріп қайттым. Міне, нағыз адам деп осындағы геройларды – Радж, Витяларды айтуға болар. Біз Радж Капурге әрине, ұқсамаймыз. Қайтар жолда тағы да жаңбырдың астында қалдым.
29 мамыр 1958 жыл
... Бүгін поэзия кеші болатын еді. Сонда сөйлемек болып, «А» группасындағы Ілияс Байтұрсыновтың өлеңдерін қарап шықтым. Мұхтар (Мағауин) менің 2 өлеңімді оқуға сұрап алды... Поэзия кешіне бардық. Қ.Шаңғытбаев жақсы баяндама жасады. Кеш өте қызықты, тартысты өтті. Әбіш, Мұхтар, мен – біраз бөстік, жұртқа ақыл айттық.
30 мамыр 1958 жыл
Соңғы кезде ақша таусылып, құр нан мен суға қарап қалдық. Оның өз де - аз. Таңертең тұрсам қарыным уілдеп тұр. 3 сом ақша қалған екен қалтамда. Стадионға баратын күнім болса да барғым келмеді. «Цусиманы» оқып жатып ұйықтап кетіппін...
... Өтежан Нұрғалиев поэзиясы туралы қызу дау басталды. Өтежанды біреулер мақтап, біреулер сынап жатты. Сабақтан шыққан соң «Это было не напрасно» деген югославиялық киноны көрдік. Менде билет аларлық ақша жоқ еді. Тұрғанбай Д. төледі.
Оқи отырыңыз: Оразбек Сәрсенбаев. Бодықовтың өкінішті өмірі
Байланысты жаналықтар
MalimBlocks
