Ақ тот жұқтырған 160 мың хризантема Нидерландыға қайтарылды
Сараптама гүлдердің ауруға шалдыққанын көрсеткен
Агроөнеркәсіп кешеніндегі мемлекеттік инспекция комитеті Алматы қаласы бойынша МИК аумақтық инспекциясының карантин инспекторы мемлекеттік карантинге жататын фитосанитарлық бақылау жүргізу барысында «ақ тот жұқтырған хризантема» (Puccinia horiana) анықтаған, деп хабарлайды Malim.kz.
Ауыл шаруашылығы министрлігінің мәлімдеуінше, барлығы 159 400 гүл Нидерландыдан әкелінген.
Инспектор алған үлгілер Алматы аймақтық карантин зертханасына жіберілді.
Сараптама нәтижелері анықталған объект қауіпті карантинге жататын объект екенін растады, деп жазылған хабарламада.
Өнім иесіне қатысты әкімшілік хаттама жасалып, айыппұл салынған.
Карантинге жататын объект енуі мен таралуының алдын алу мақсатында гүл көшеттері жіберушіге қайтарылған.
Фото: АШМ
Байланысты жаналықтар
MalimBlocks
