Сауда және интеграция министрлігінің Қоғамдық кеңесі отырысында суармалы және суарылмайтын бақтарда апорт сортының алма ағашын өсіру технологиялық процесін реттейтін Ұлттық стандарт әзірлеу ұсынылды, деп хабарлайды Malim.kz.
Ұсынысты Қоғамдық кеңес мүшесі және «Қазақстанның қант, тамақ және қайта өңдеу өнеркәсібі қауымдастығы» ЗТБ президенті Айжан Наурызғалиева алға тартты. Айжан Наурызғалиеваның айтуынша, 2000 жылдардан бастап, апорт сортының бақтарын жаппай салу осы сорттың талаптарына сәйкестендірілмей жүргізілген. Нәтижесінде, жалпы өнімнің өсуіне қарамастан, жемістердің сапасы күрт төмендеген. Көшеттер іріктемелік аналықтардан емес, тез өсетін ағаштардан, бірақ құндылығы аз клондардан және агротехникалық деңгейі төмен ағаштардан алынған. Бұл факторлар ағаштардың жағдайын нашарлатып, ауырып, зақымдануына және жемістердің тауарлық сипаттамаларының төмендеуіне себеп болған.
Айжан Наурызғалиева Алматы апортын географиялық көрсеткіш ретінде сақтап қалу үшін, өндірушілер қауымдастығының мүшелері апорт сортының алма ағашын өсіру технологиялық процесіне арналған Ұлттық стандарт әзірлеу қажеттілігі туралы қорытындыға келгенін айтты.
«Қазақстан стандарттау және метрология институты» РМК бас директоры Еркежан Әмірханованың сөзінше, Біріккен мемлекеттік нормативтік техникалық құжаттар қорында апорт сортының алмаларына арналған қолданыстағы ұлттық немесе мемлекетаралық стандарттар жоқ. Ол 1985 жылы Қазақ ССР РСТ 792-85 «Алма ағашы. Апорт сорты. Өсірудің типтіктехнологиялық процесі» республикалық стандарты әзірленіп, қабылданғанын атап өтті. Бұл құжат алма ағашын отырғызу үшін жергілікті талаптарды, топырақты дайындауды, баққа күтімді және бақылау әдістерін анықтайды. Алайда, ҚР «Стандарттау туралы» Заңының 16 бабына сәйкес, РСИ Қазақ КСР жөніндегі құжат стандарттау құжатына жатпайды.
Соған қарамастан, Еркежан Әмірханова институттың РСИ Қазақ КСР 792-85 негізінде жаңа стандартты әзірлеу бастамасын қолдауға дайын екенін растады.
Сонымен қатар, қоғамдық кеңес мүшелері шикізаттық емес тауарларды экспорттауды ілгерілету, өндірушіден соңғы тұтынушыға дейінгі тауарларды қадағалау жүйесін енгізу, сондай-ақ медициналық талдаулардың нәтижелерінің ашықтығын қамтамасыз ету, оның ішінде метрологиялық қамтамасыз ету және нормативтік базаға қатысты мәселелерді талқылады.
«Қазақстан астық өңдеушілер одағы» ЗТБ вице-президенті Әлихан Талғатбек жоспарланған тасымалдау көлемдерін келісу және сыртқы нарыққа еркін қол жеткізуді қамтамасыз ету мәселелерін көтерді. Көлік министрлігінің ақпараты бойынша, жүк жөнелтушілердің өтініштерін қарау кезегін және өткізу қабілеті шектеулі жағдайларда тасымалдауды жүзеге асыруды реттейтін тиісті түзетулер әзірленді. Бұл түзетулер барлық мүдделі органмен талқыланады.
Отырыстың қорытындысы бойынша, Сауда және интеграция министрі Арман Шаққалиев тамызда осы және басқа да бірқатар Қазақстан-Қытай шекарасындағы тауардың өтуін жеделдету жөніндегі жұмыс тобының аясында қаралатынын хабарлады. Кездесуде оларды шешуге арналған нақты шаралар әзірленбек.
Фото: pixabay.com
Байланысты жаналықтар
MalimBlocks
