Мәжіліс депутаты Азат Перуашев Ұлттық банкті «қорқақтық танытты» деп айыптап, теңгенің девальвациясы жалғасатынын, ал Ресей рублінің құлдырауы Қазақстан экономикасына ауыртпалық түсіретінін мәлімдеді. Ол өзінің Telegram-арнасында осылай жазды, деп хабарлайды Malim.kz.
«Бұл шешім емес, бұл қорыққандықтан басын құмға тығу. Барлығы бұрыннан түсінікті, инфляцияға әсер етіп отырған мәселе – теңгенің көптігі емес, өзіміздің тауар өндірудің жетіспеушілігі, оның табиғи нәтижесі – ішкі нарықтың импортқа тәуелділігі. Ал доллардың нығаюы мен рубльдің құлдырауы Қазақстанға сауда шектеулерінің ауыртпалығын түсіріп жатыр (рубльді теңгеге айналдыру және доллар сатып алу арқылы) – инфляцияға енді теңгенің одан әрі девальвациясы да әсер етіп жатыр. Бұл процесс жалғасады, себебі санкциялар салдарынан құлдыраған рубль біздің экономикамызды да тұншықтырып жіберетін болады», – деп жазды Перуашев.
Перуашевтің айтуынша, экономиканы түзету үшін рубль мен теңгенің конвертациясынан бас тарту немесе отандық өндірісті ынталандыру қажет, бірақ бұл үшін пайыздық мөлшерлемені төмендету керек, ал қазіргі мөлшерлемемен өндірісті дамыту мүмкін емес.
Фото: akzhol.kz
