Мемлекет басшысы Азия даму банкінің президенті Масацугу Асакаваны қабылдады. Ол Орталық Азия өңірлік экономикалық ынтымақтастығы бағдарламасының 23-ші министрлік конференциясына қатысу үшін Астанаға келді.
Осы сапар аясында құны 300 млн доллардан асатын «Қызылорда – Жезқазған» автожолының құрылысын қаржыландыру туралы келісімге қол қою жоспарланып отыр.
Биыл Қазақстан мен Азия даму банкінің қарым-қатынасына 30 жыл. Банк 1994-2024 жылдар аралығында Қазақстанда жалпы сомасы 7 млрд долларға жуық жобаларды қаржыландырды. Атап айтқанда, Батыс Қытай-Батыс Еуропа халықаралық көлік дәлізін салуға, сондай-ақ Ақтөбе-Қандыағаш жолын қайта жөндеуге қатысты.
Фото: Ақорда
