Министр Мусин Шымкенттегі цифрландыруға оң баға берді
![](/images/article-img/1600/13975-1619206391-m.jpg)
Цифрлық даму, инновациялар және аэроғарыш өнеркәсібі министрі Бағдат Мусин Шымкент қаласына қызметтік сапармен келді. Министр қаладағы және шалғай орналасқан елдімекендердегі цифрландыру бойынша атқарылған жұмыстармен танысып, тұрғындармен кездесті. Соңыра қала әкімі Мұрат Әйтеновтің төрағалығымен өткен мәжіліске қатысып, қаланың бұл бағыт бойынша жткен жетістіктері мен жоспарлары жайлы қалалық цифрландыру басқармасының басшысы Әсет Абдрахановтың баяндамасын тыңдады.
«Өткен жылы қаладағы интернет желісін жақсарту мақсатында министрлікпен жол картасы жасалған. Соған сәйкес, 3 кезең бойынша жұмыс жоспары әзірленді. 1-кезеңде 11 жер учаскесі әзірленіп, антенна-матчталық қондырғылар қойылды. Алтынтөбе, Асар, Асар-2, Ақтас-2, Көкбұлақ, Солтүстік-батыс, Достық, Тұран, Айкөл және Шымкент ситидегі екі жерде базалық станция іске қосылды. Екінші кезеңде 13 жер анықталып, матчталық қондырғылар қою жұмыстары жүріп жатыр», - дейді Әсет Әбдірахманов.
Басқарма басшысының айтуынша, қалада білім және денсаулық саласының толығымен электронды форматқа көшірілген. Қаладағы қоғамдық көліктердің толықтай электронды билеттендіру жүйесіне өткенін де айтты. «Ақылды жаяу жүргінші жолы», «Ақылды есептегіш», «Ақылды көше шамдары» жобалары жоспарланып отыр екен. Алдағы уақытта, осы жоба аясында 303 көше жарықтандырылмақ. Жалпы, Шымкент «Цифрлы Қазақстан» мемлекеттік бағдарламасына сәйкес 100-ге тарта іс-шараны жүзеге асырмақ.
Ал ведомство басшысы атқарылған жұмыстарға оң баға берді.
"Пилоттық жобалардан негізгі жобаларға жылдам өту керек. Тұрғындармен қарым-қатынасты нығайту керек. Орталықтағы маман өңірді жақсы білуі өте маңызды. Құрылысы жүріп жатқан үйлерге су, газ, жылу сияқты, оптикалық интернет те тартылу керек. Өзге қаланың мамандарымен де тәжірибе алмасып, бірге жұмыс жасауға да болады", - деді Мусин.
Байланысты жаналықтар
MalimBlocks
![](/images/article-img/600/24560-1725614329.jpeg)