"Қазақстанның инвестициялық сенімділігі тұрақты деңгейде"

Malim Админ

  • 25.08.2020

Қазіргі уақытта Қазақстан ғана емес, әлемдік экономиканың жағдайы күрделі. Осындай қиын-қыстау кезеңде 2021 жылы Қазақстанда жалпы ішкі өнімі (ЖІӨ) өседі деп болжануда. Бұл туралы үкімет отырысында премьер-министр Асқар Мамин айтты.  Оның сөзінше, жалпы ішкі өнім 2,8 деңгейінде болады. Халықаралық сараптамалық ұйымдар Қазақстанның инвестициялық сенімділігін де тұрақты деп бағалапты.

«Қазіргі уақытта әлемдік экономикадағы жағдай күрделі, бұл біздің экономикаға да әсерін тигізуде. Халықаралық қаржы институттары коронавирус індетіне қарсы шектеу шараларына байланысты орын алған жаһандық рецессия мен іскерлік белсенділіктің төмендігін атап өтуде. Осыған қарамастан, Fitch рейтингтік агенттігінің тамыздағы деректеріне сәйкес, Қазақстанның инвестициялық сенімділігі ВВВ – тұрақты деңгейінде расталды. Сонымен бірге, бұл рейтинг мемлекеттердің 60 пайызында төмендеп отыр. Бұл Үкімет және Ұлттық Банктің дағдарысқа қарсы шаралардың уақытында қабылдап, нақты жүргізген жұмыстың нәтижесі болып табылады», - деді Асқар Мамин.

Премьер-министрдің айтуынша, ел экономикасының тұрақтылығын қамтамасыз ететін бірнеше фактор бар. Мемлекеттік қарыздың төмендігі, ақша-кредит саясатының тиімділігі, фискалдық резервтердің көлемі, т.б. жағымды көрсеткіштерге ие. Мұның бәрі үкіметтің дер кезінде шешім қабылдап, тиімді қимылдай білгенінің нәтижесі дейді Мамин. Ол қысыл-таяң кезде жедел шешімдер қабылдауға мәжбүр болғандарын, қарқынды төмендетпеу керек екенін де алға тартты. Демек, келер жылғы жалпы ішкі өнім өсімін тоқтатпайды.

 «2021 жылы Қазақстанда жалпы ішкі өнімнің нақты өсімін 2,8 деңгейінде болжап отырмыз. Қазір экономиканың салаларын қолдау жөніндегі жоспарланған шараларды сапалы іске асыруымыз керек, қарқынды төмендетпей, үйлесімді және жедел шешімдер қабылдауымыз керек. Қазіргі жағдайды ескере отырып, Үкімет алға қойылған мақсаттарға қол жеткізу үшін бюджетінің жобасын әзірледі. Республикалық бюджеттің көзделген қаражаты мемлекеттің барлық әлеуметтік міндеттемелерін толық көлемде орындауға мүмкіндік береді», - деді үкімет басшысы.

Бұдан әрі отырыста премьер-министр өзі атап өткен тәсілдерді мақұлдауды және аталған заң жобалары мен Жарлықтың жобасына дауыс беруді ұсынды. Министрлер кабинетінің мүшелері аталған құжаттарды бекітуге дауыс беріп, бір ауыздан қолдап шықты. Енді бұл құжаттар (аталған заң жобаларын және әлеуметтік-экономикалық даму болжамы) Ұлттық экономика мен Қаржы министрліктері жәнеПремьер-Министр кеңсесімен бірлесіп дайындалып, Парламентке ұсынылмақ.

 

Байланысты жаналықтар

Қазақстанда жыл сайын 45-50 мың тонна балық ауланады

14.07.2024

Үкімет көлеңкелі экономиканы 926 млрд теңгеге қысқартатын жоспар құрды

13.07.2024

Қор нарығында доллар қайта қымбаттады

12.07.2024

Қазақстан мен Өзбекстан үкімет басшылары ынтымақтастықты нығайту қарқынын талқылады

12.07.2024

Қазақстандықтардың азық-түлікке қанша ақша жұмсайтыны белгілі болды

12.07.2024

Ұлттық банк базалық ставканы 14,25% дейін төмендетті

12.07.2024
MalimBlocks
Қазақстанда жыл сайын 45-50 мың тонна балық ауланады

Бүгін елімізде балық шаруашылығы қызметкерлері күні

Үкімет көлеңкелі экономиканы 926 млрд теңгеге қысқартатын жоспар құрды

Ол бюджет түсімдерін 270 млрд теңгеге ұлғайтады

Қор нарығында доллар қайта қымбаттады

Ұлттық банктің 12 шілдедегі ресми бағамы - 1 долларға 474,26 теңге. Ресей рублінің орташа сараланған құны - 5,43 теңге.

Қазақстан мен Өзбекстан үкімет басшылары ынтымақтастықты нығайту қарқынын талқылады

Қазақстан мен Өзбекстанға Орталық Азиядағы барлық сауданың 57%-ы тиесілі.

Қазақстандықтардың азық-түлікке қанша ақша жұмсайтыны белгілі болды

Былтыр алғашқы тоқсанда қазақстандықтан азық-түлік пен сусынға орташа есеппен жан басына шаққанда 123,1 мың теңге жұмсаған.

Ұлттық банк базалық ставканы 14,25% дейін төмендетті

Әлемдегі азық-түлік бағасының өсуі мен Ресейде инфляцияның жеделдеуіне байланысты сыртқы инфляциялық жағдай қолайсыздау болып отыр.