Шымкент қаласының әкімдігі «Бір үй, бір бірлестік, бір есепшот» қағидасы бойынша тұрғын үйдің басқару жүйесін бір ізге келтіргісі келеді. Яғни, көп қабатты тұрғын үйлерде кондоминиум объектілерін басқарудың жаңа жүйесі «Мүлік иелерінің бірлестігі» (МИБ) немесе «Жай серіктестіктігін» (ЖС) енгізбек. Жалпы бүгінде Шымкенттегі жалпы тұрғын үй қоры– 2 236 болса, оның 130 коммуналдық үй, 1 672-сі кондоминиум нысан боп тіркелсе,
471 үй тіпті тіркелмеген. Міне, осында түрлі нысандарды тіркеуді бір іздендіріп, әр үйге жеке бірлестік және бір шот жасағысы келеді. Бұ бағыттағы жаңа реформаның мақсаты не? Енгізілмек «Мүлік иелерінің бірлестігі» (МИБ) немесе «Жай серіктестіктігі» (ЖС) айырмасы қандай?
Шымкент қалалық Орта сапасы және бақылау басқармасының басшысы Ғалымжан Өтенбаев бүгін ақпараттық-коммуникациялық орталығында брифинг өткізіп, тілшілердің осы сұрағын жауап берді.
–Аталған бағдарламаның артықшылығы – кондоминиум нысандарын меншік иелері тарапынан бақылауды қамтамасыз ету, басқару органдары қызметінің ашықтығын арттыру және ортақ мүлікке күрделі жөндеу жүргізудің жаңа тетігін енгізу.
«Мүлік иелерінің бірлестігі» (МИБ) – коммерциялық емес ұйым. Яғни, көп қабатты тұрғын үй пәтерлері және тұрғын емес үй-жайларының меншік иелері құрған кондоминиум нысанын басқаруды жүзеге асыратын, оны күтіп-ұстауды қаржыландыратын және сақталуын қамтамасыз ететін заңды тұлға. Бұл жағдайда пәтер және тұрғын емес үй-жай меншік иелерінің 51 пайызының келісімі қажет. Ал «Жай серіктестік» (ЖС) – бір көп қабатты үйдің пәтерлері және тұрғын емес үй-жайларының меншік иелері кондоминиум нысанының ортақ мүлкін сақтауды қамтамасыз етуге арналған серіктестік. Осы орайда пәтер және тұрғын емес үй-жай меншік иелерінің 100 пайыз келісімі болуы шарт, – деді ол.
Байланысты жаналықтар
MalimBlocks
