Абай облысында қос азаматтығы бар 4 адам ұсталды
Кінәлі адамдар айыппұл түрінде әкімшілік жауапкершілікке тартылды.
Биыл Абай облысының көші-қон қызметі қос азаматтықтың 4 фактісін анықтады, деп хабарлайды Malim.kz.
Конституцияға сәйкес, Қазақстан Республикасының азаматы үшін басқа мемлекеттің азаматтығы танылмайды. Көші-қон қызметінің қызметкерлері қос азаматтықтың 4 фактісін анықтады. Кінәлі адамдар айыппұл түрінде әкімшілік жауапкершілікке тартылды, бір азамат Қазақстан Республикасынан шығарылды, - делінген ақпаратта.
2024 жылдың басынан бастап Абай облыстық Полиция департаментінің Көші-қон қызметіне Қазақстан Республикасының азаматтығын жоғалту туралы 149 азамат жүгінді, олардың 143 – Ресей Федерациясының, 2-і Түркияның, 2-і АҚШ, 2-і Германияның азаматтығын алды.
Абай облысы полиция департаментінің көші-қон қызметі басқармасы өзге азаматтықты қабылдаған Қазақстан азаматтығын жоғалтуды тіркеу үшін 30 тәулік ішінде консулдық мекемеге немесе ішкі істер органдарына жүгінуге міндеттенетінін жеткізеді. Уәкілетті органдарға шетел азаматтығын алу туралы заңнамада белгіленген мерзімде хабарланбаған жағдайда 200 айлық есептік көрсеткіш мөлшерінде әкімшілік айыппұл салуға (738 400 теңге) немесе Қазақстан Республикасынан тыс жерлерге әкімшілік шығарып жіберуге әкеп соғады, - деп хабарлады ПД.
Фото: altyn-orda.kz
