Алматылық ер адам ChatGPT көмегімен сотта жеңіп шықты
Ол талап арыз және басқа да құжаттарды ChatGPT арқылы әзірлеген
23 жастағы алматылық Кенжебек Исмаилов жол қозғалысы ережесін бұзғаны үшін салынған айыппұлды ChatGPT көмегімен алдырып тастаған. Бұл туралы ол Х желісінде жазды, - деп хабарлайды Malim.kz тілшісі.
2023 жылы желтоқсанда Кенжебек Исмаилов ереже бұзғаны үшін 5800 теңге көлемінде (жеңілдікпен) айыппұл салынғаны туралы нұсқаулық алған, кейін оны төлеген. Алайда бейнебақылау жазбаларын көрген соң айыппұл заңды салынғанына күмәнданған.
Оның полицияға берген шағымы қанағаттандырылмаған. Бірақ Исмаилов сотқа жүгінген. Ол талап арыз және басқа да құжаттарды ChatGPT арқылы әзірлеген, нәтижесінде сотта жеңіп шыққан.
«Сотта ChatGPT көмегімен жеңіп шықтым», - деп жазды ол.
Сот Исмаиловтың пайдасына шешім шығарып, айыппұлды жойды.
Енді ол азаматтық сотқа жүгініп, өтемақы алуды жоспарлап отыр. Алайда Алматы тұрғыны бұл ақша алу мақсатында емес, құқығын қорғау үшін екенін айтты.
Фото: pixabay.com
