Астанада алаяқтық жасады және Қуандық Бишімбаевтың анасын пара беруге итермеледі деп айыпталған Людмила Грачеваның ісі бойынша алқа билер соты шешім шығарды, деп хабарлайды Malim.kz.
Бұған дейін прокурор Людмила Грачеваны Қылмыстық кодекстің бірнеше бабы бойынша 11 жылға бас бостандығынан айыруды сұраған болатын. Яғни ҚК-нің 190-бабының 4-бөлігінің 2-тармағымен «Аса ірі көлемдегі алаяқтық» ҚР ҚК-нің 24-бабының 3-бөлігінің «Қылмысқа дайындалу және қылмысқа оқталу»; ҚК-нің 367-бабының 4-бөлігімен «Аса ірі мөлшерде пара беру» бойынша Қазақстан Республикасы Қылмыстық кодексінің 28-бабының 4-бөлігінде «Арандату» қолданылып, қылмыстық іс қозғалды.
Людмила Грачева сотталған Қуандық Бишімбаевтың жазасын жеңілдетуге арналған 100 миллион теңгені жымқырды деп айыпталып отырғаны белгілі болды.
Сотталушының кінәсі куәгерлердің айғақтарымен, сараптамалардың қорытындыларымен, жасырын тергеу әрекеттерінің нәтижелерімен, бейнежазбамен және қылмыстық іс бойынша басқа да материалдармен дәлелденді.
Сотта прокурор айыпты қолдап, 11 жылға бас бостандығынан айыру жазасын тағайындауды сұрады.
Сотталушының жас балаларының болуын сот қылмыстық жауаптылық пен жазаны жеңілдететін мән-жай деп таныды. Ауырлататын мән-жайлар анықталған жоқ. Сот үкімімен алқабилер сотымен Г. ҚК 24-бабының 3-бөлігі – 190-бабы 4-бөлігінің 2) тармағы, 28-бабының 4-бөлігі – 367-бабының 4-бөлігінде көзделген қылмыстық құқық бұзушылықтар жасағаны үшін кінәлі деп танылып, қылмыстар жиынтығы бойынша (ҚК-нің 58-бабы) 10 жылға бас бостандығынан айыруға сотталды. Сот үкімі заңды күшіне енген жоқ, - делінген хабарламада.
Фото: Жоғары сот
