«Қаңтар» оқиғалары бойынша үкім ертең шығарылады: айыпталушылардың саны 44 адам. ZTB NEWS телеграм-арнасының жазуынша, сот процесі 2023 жылдың 6 қыркүйегінде басталған болатын. 44 айыпталушының 25-і тергеу изоляторында (ТІ) ұсталып отыр, қалғандары — үйқамақта, деп хабарлайды Malim.kz.
Негізгі айыпталушылардың қатарында:
• Арман Жұмагелдиев («Дикий Арман») — бірнеше бап бойынша айыпталған, Алматы қаласындағы Ұлттық қауіпсіздік комитеті (ҰҚК) тергеу изоляторында отыр.
• Руслан Ысқақов —ҰҚК 5-басқармасының бұрынғы бастыы.
• Талгат Махатов («Саныч», «Бетон») — бұрынғы қаржы полициясының агенті.
Бұрынғы депутат әрі кәсіпкер Қайрат Құдайберген, журналист Бердах Бердімұрат және тағы 17 адам Қазақстанның Ішкі істер министрлігінің түзету мекемесінде (бұрынғы СИ-18) қамауда.
Сот барысында кейбір айыптаулар қайта қаралған:
• Арман Жұмагелдиевтің үстінен 11 баптың үшеуі алынған;
• Журналист Бердімұратов пен Талгат Махатовтың оққағарларынан «бандитизм» бойынша айып алынып тасталған;
• Қайрат Құдайбергенге төрт бап бойынша айып тағылғанымен, одан тек екі бап қалған. Оған қоса, сотта куәгерлер оның әкімдік ғимаратынан және полиция қызметкерлерінен әскерилерді құтқарудағы рөлін растаған.
Фото: видеодан скриншот
Байланысты жаналықтар
MalimBlocks
