Жетісу облысы бойынша Сыбайлас жемқорлыққа қарсы қызмет бөлім басшысына қатысты тергеуді аяқтады, деп хабарлайды Malim.kz.
Жетісу облысы бойынша Сыбайлас жемқорлыққа қарсы қызмет облыстық Еңбек және әлеуметтік қорғау комитеті департаментінің бөлім басшысына қатысты тергеуді аяқтады.
Ол мүгедектікті ұзартқаны және тағайындағаны үшін 20-дан 50 мың теңгеге дейінгі мөлшерде пара алды деп күдіктеліп отыр. Қазіргі уақытта қылмыстық іс сотқа жіберілді, - делінген хабарламада.
Сонымен қатар биылғы 11 шілдеде Астана Қылмыстық істер жөніндегі ауданаралық соты елордалық медициналық орталықтың дәрігері Мәкішевке қатысты үкім шығарды. Ол науқастан жоспарлы хирургиялық операция жасағаны үшін 500 мың теңге сомасында заңсыз материалдық сыйақы алғаны үшін кінәлі деп танылды.
Үкім заңды күшіне енген жоқ.
Фото: Gov.kz
