Абай облысының Бородулиха ауданында үй өртеніп, төтеншліктер 34 жастағы ер адамның мәйітін тапты.
Облыстық Төтенше жағдайлар департаменті баспасөз қызметінің мәліметінше, қызыл жалын 26 тамызда түнгі уақытта Бородулиха ауданындағы жер үйде шыққан.
«Өрт сөндірушілер оқиға орнына шұғыл келіп жетті. Үйді шарпыған өрт қосалқы ғимарат пен көлікке де жайылып кетті. Алдын ала дерек бойынша өртенген аумақ 400 шаршы метрді құраған», - делінген ақпаратта.
Құтқарушылар үй ішінен ер адамның мәйітін тапты. Анықталғандай, ол 34 жастағы үй иесі.
Көп ұзамай қызыл жалын толықтай ауыздықталды. Қазіргі уақытта өрттің шығу себебі анықталып жатыр.
Фото: ТЖМ
