Қарағандының перзентханасында алып үшем туды. Біреуінің салмағы 5,5 келі, қалған екеуі де соған таяу.
Бірақ дәрігерлер алып балалардың көбеюіне алаңдап отыр. Олардың айтуынша, бұл аса жақсы емес жағдай. Бұл туралы КТК телеарнасы хабарлады.
Үшемнің алып болып туылатыны бір ай бұрын белгілі болған, сондықтан әйел жоспарлы отаға жатқызылды. Ота сәтті өтіп, кесер тілігі арқылы аман-есен босанды. Қарағандыда жыл басынан бері осындай 59 бала туған. Оның ішінде он баланың салмағы 5,5 келіге жуықтаған. Мамандар мұны өте ауыр салмақ дейді. Мұндай жағдай нәрестенің де, анасының да денсаулығына қауіпті. Сондықтан дәрігерлер әйелдерге жүктілікке ерте дайындалып, ағзадағы қант деңгейін тексеруге кеңес береді. Тамақты, түрлі фастфудты көп жеу мен аз қимыл-қозғалыс та іштегі баланың тез өсуіне әсер етеді екен.
— Тәтті нан жейді. Қимыл-қозғалысы аз. Көп серуендеу керек. 5 келіден асатын болса, онда шешімді консилиуммен қабылдаймыз, кесер тілігін жасау керек, ананың да, баланың да жарақатын төмендету үшін, – деді Қарағанды облысы клиникалық аурухананың №2 перинаталдық орталығының меңгерушісі Жарқын Нүркеева.
Фото: yamal-media.ru
Байланысты жаналықтар
MalimBlocks
«Елім саған айтам, Елбасы сен де тыңда!» - 10-шы хат
Қызық жағдай кинoда бoлып жатыр. Бұрын «талантты, маман кинo рeжиссeрлeрi жeтпeйдi» дeп қиналатынбыз. Eндi eлугe жуық рeжиссeр бар, ал қoятынымыз – жылына бiр фильм. Бiр кeздeгi eң таңдаулы кинo қалашығы қаңырап тұр. Oл да шeтeлдiктeргe жалға iстeп жатыр.
