Қазақстан Жазушылар одағының төрағасы Мереке Құлкенов референдумда дауыс берді

Қазақстан Жазушылар одағының төрағасы, Қазақстанның еңбек сіңірген мәдениет қызметкері, жазушы Мереке Құлкенов АЭС құрылысы мәселесі бойынша дауыс берді, деп хабарлайды Malim.kz.

Алматы өңірлік коммуникациялар қызметінің мәлімдеуінше, ол №175 мектеп-гимназиясында орын тепкен №584 сайлау учаскесінде таңдауын жасаған. 

Референдум – демократияны нығайтудың маңызды қадамы, бұл азаматтарға пікірін білдіру, еліміздің болашағына әсер ету және қоғамдағы белсенді оң өзгерістерді көру үшін ерекше мүмкіндік, деді қоғам қайраткері Мереке Құлкенов.

Еске сала кетейік, бүгін Қазақстанда АЭС құрылысы мәселесі бойынша республикалық референдум өтіп жатыр. Алматы тұрғындары тұрғылықты жерінде орналасқан сайлау учаскелерінде дауыс беруде. Мегаполисте барлығы 624 сайлау учаскесі жұмыс істейді, олар сағат 20:00-ге дейін ашық болады.

Фото: Өңірлік коммуникациялар қызметі