Су тасқыны: Бектенов әкімдерге қалпына келтіру жұмыстарын тездетуді тапсырды

Жетекшілік ететін бағыттар бойынша зардап шеккен өңірлердің әкімдері мен министрлердің баяндамасы тыңдалды.

Malim Админ

  • 20.05.2024

Олжас Бектенов әкімдерге қалпына келтіру жұмыстарының қарқынын тездету жөнінде тапсырма берді, деп хабарлайды Malim.kz.

Премьер-министр Мемлекет басшысы Қасым-Жомарт Тоқаевтың су тасқыны салдарын жою және қалпына келтіру жұмыстарының барысы жөніндегі тапсырмаларын орындауға қатысты кеңес өткізді.

Жетекшілік ететін бағыттар бойынша зардап шеккен өңірлердің әкімдері мен министрлердің баяндамасы тыңдалды.

Еліміз су тасқынының қауіпті кезеңінен өтті. Қазіргі сәтте Атырау облысында Жайық өзеніндегі судың қауіпті деңгейінің сақталуына байланысты су тасқынына қарсы жұмыстар жалғасып жатыр. Осыған байланысты, Атырау облысының әкімі Серік Шәпкенов су тасқынына қарсы іс-шараларды іске асыру жалғасып жатқан өңірдегі ахуал туралы баяндады. Жағалауларды нығайту бөгеттерінің бойында (ұзындығы 520 км-ден астам) тәулік бойы кезекшілік ұйымдастырылды.

Бұл ретте, Атырау облысының су тасқыны жағдайы тұрақты аудандарында зардаптарды жою жөніндегі комиссиялар белсенді жұмыс істеуде.

Мәселен, Жылыой ауданында 3 730 өтініш беруші тұрғынға жалпы сомасы 1,3 млрд теңгеге 100 АЕК мөлшерінде біржолғы жәрдемақы төленді. Комиссия 2 727 өтінішті қабылдап, 2 671 үйге техникалық тексеру және 2 624 үйге бағалау жүргізген. 10 тұрғын үйдің құрылысы басталып, 14 тұрғын жөндеу-қалпына келтіру жұмыстарына төлем алды. Бағалаушы мамандар тәулік бойы жұмыс істеп жатыр. Жалпы, Қазақстанның су тасқынынан зардап шеккен өңірлерінде 60 мыңнан астам адам өз үйлеріне оралды. Эвакуациялық пункттердегі тұрғындарға жергілікті атқарушы органдар қажетті көмек көрсетуде. 26 651 отбасы 10 млрд теңгеден астам сомаға 100 АЕК мөлшерінде біржолғы төлем алды.

Жергілікті әкімдіктер зардап шеккен тұрғындарды сапалы тұрғын үймен қамтамасыз ету бойынша жұмыс жүргізіп келеді. 239 отбасы қираған баспаналарының орнына пәтерлер мен үйлерге ие болды. Ақтөбе, Батыс Қазақстан, Қостанай, Атырау, Солтүстік Қазақстан, Павлодар облыстарында зардап шеккен азаматтарға арналған 794 жаңа үйдің құрылысы жүргізілуде.

Сонымен қатар 891 отбасы тұрғын үйін жөндеуге және қалпына келтіру үшін өтемақы алды. Жалпы зардап шеккен өңірлерде 11 137 тұрғын үй тексеріліп, 7 863 нысанға бағалау жұмысы жасалды.

Айта кету керек, суға кеткен малдың өтемі үшін мемлекеттік көмек көлемі 1,3 млрд теңгеден асты. Үкімет басшысы жұмыс қарқынына баса назар аударды.

Бағалау, залалды өтеу, қалпына келтіру және құрылыс жүргізу үшін ауқымды жұмыс күтіп тұр. Біз қазіргі кезеңде жұмыс қарқынын көріп отырмыз, бірақ келтірілген залалды бағалау сатысында кешігу бар. Төтенше жағдайда барлық процестерді жеделдету керек. Бағалаушы мамандарды шығынды есептеу аяқталған өңірлерден Атырау және басқа да облыстарға жедел бағыттау қажет», - деп атап көрсеткен Олжас Бектенов барынша қысқа мерзімде бағалауды сапалы жүргізуді тапсырды.

Жергілікті әкімдіктерге келген мамандарға көмек көрсетуді жүктеді.

Фото: Үкімет

Байланысты жаналықтар

Премьер-министр: Үкімет Президенттің экономика өсімі бойынша қойған міндетіне жету үшін бар күш-жігерін салады

22.06.2024

Елімізде жалға берілетін тұрғын үй құрылысына қосымша 222 млрд теңге бөлінді

21.06.2024

Алдағы он күнде қай өңірлерде құрғақшылық болады

20.06.2024

Қазақстанда бүгіннен бастап вейптерге тыйым салынды

20.06.2024

Елімізде несиесі кешірілетін азаматтар санатының тізімі толығуы мүмкін

20.06.2024

Үкімет аппаратының штаты кеңейтілді

19.06.2024
MalimBlocks
Премьер-министр: Үкімет Президенттің экономика өсімі бойынша қойған міндетіне жету үшін бар күш-жігерін салады

Экономиканың негізгі нүктелері ретінде құрылыс, инфрақұрылым, өңдеу және АӨК-ке көңіл бөледі

Елімізде жалға берілетін тұрғын үй құрылысына қосымша 222 млрд теңге бөлінді

Бүгінгі таңда 8% деңгейінде өсудің оң көрсеткіштері құрылыс, көлік және байланыс салаларынан көрінді.

Алдағы он күнде қай өңірлерде құрғақшылық болады

«Қазгидромет» РМК дауылды ескерту жариялады.

Қазақстанда бүгіннен бастап вейптерге тыйым салынды

Яғни вейптердің айналымы үшін бүгіннен бастап қылмыстық жауапкершілік көзделген.

Елімізде несиесі кешірілетін азаматтар санатының тізімі толығуы мүмкін

Құжат 1 шілдеге дейін талқыланады.

Үкімет аппаратының штаты кеңейтілді

Қаулы 2024 жылғы 14 маусымнан бастап қолданысқа енгізілді.