АҚШ Ауғанстаннан әскерін шығаруына байланысты Қазақстанмен келіссөздер жүргізіп жатыр.
АҚШ-тың Ауғанстандағы бейбітшілік пен келісім бойынша арнайы өкілі Залмай Халилзад Қазақстанға жасаған сапарының мақсаты жөнінде айтты. Оның сөзінше, Ақ үй Ауғанстаннан әскерін шығаруына байланысты Қазақстанмен және аймақтағы өзге де мемлекеттермен келіссөздер жүргізуде.
«Біздің әскеріміз Ауғанстаннан шығарылады. Бірақ терроризммен күрес, экономика және гуманитарлық байланыстар бойынша аймақтағы елдермен келіссөздер жүргізудеміз. Оның ішінде Қазақстан да бар. Қазір нақты айтатын жаңалық жоқ. Бірақ келіссөздер алдыға жылжуда», - деді Халилзад.
Бұдан бөлек, Халилзад АҚШ өзінің қауіпсіздігі үшін Орталық Азиядағы мүмкіндіктерін арттыруға ұмытылатынын айтты.
«Біз, АҚШ, өзіміздің ұлттық қауіпсіздігімізді қамтамасыз ету үшін аймақта бірқатар мүмкіндіктерге ие болу үшін ұмытылатын боламыз. Әрине аймақ елдерімен ортақ терроризммен күрес, экономика, аймақтағы тұрақтылық пен бейбітшілік салалары бойынша бірлесіп жұрыс істейміз», - деді АҚШ өкілі.
АҚШ әскерін Ауғанстаннан шығару операциясын 2021 жылдың 11 қыркүйегінде аяқтайды.
Бүған дейін RT АҚШ әлемнің 20 еліне 240 миллион долларға әскери база салмақ. Оның ішінде Таяу Шығыс пен Орталық Азиядағы Қазақстан, Өзбекстан, Тәжікстан және Түркіменстан бар екендігін айтқан.
Кейннен АҚШ-тың Қазақстандағы елшілігі Ресей телеарнасы таратқан ақпаратқа жауап берген. Онда Вашингтонның Қазақстанға әскер кіргізуге байланысты ешқандай жоспары жоқ екендігі айтылған.
«АҚШ үкіметі келісімдер жөніндегі конкурстардың қорытындысын ашық жариялайды. RT жариялаған ақпарат АҚШ қорғаныс министрлігінің тендерлерін нақты көрсетпеген. Қазақстанға әскер кіргізеді деген ақпарат шындыққа жанаспайды», - делінген жауапта.
Байланысты жаналықтар
MalimBlocks
