Бұрынғы Ақтау әкімінің орынбасары Тимур Сәдуақасовқа іздеу жарияланып, оның орналасқан жері туралы ақпарат бергендерге сыйақы тағайындалады, деп хабарлайды Malim.kz.
Бұл туралы Қаржы мониторингі агенттігі мәлімдеме жасады.
Ведомство мәліметінше, ол аса ірі көлемде қылмыстық іс қозғау мәселесін оң шешу үшін мемлекеттік қызметшілерге пара беруге үгіттегені және алаяқтық жасады деген күдікке ілінген.
Атап айтқанда, «Тиолайн» ЖШС-ін басқарған кезеңде Долгалев В.И пен басқа да құрылтайшылар арасында «Обуховское» кен орнына қатысу үлесі мен оның табысын бөлуге байланысты келіспеушіліктер туындаған, олар сот арқылы шешілген.
Өз кезегінде Долгалев В.И. Сәдуақасов Т.Х. арқылы құқық қорғау органдарының лауазымды тұлғаларын белгілі бір компания құрылтайшыларына қарсы қылмыстық іс қозғау үшін пара беріп сатып алуға тырысты.
Бұл олардың заңды талаптарынан бас тартуына және оларға қысым көрсетуге бағытталған әрекет болды. Айта кетейік, Солтүстік Қазақстан облысы бойынша ҚМА департаменті «Тиолайн» ЖШС-нің «Обуховское» кен орнында өз бетінше пайдалы қазбалар өндіру дерегі бойынша тергеуді аяқтады.
Қазіргі уақытта іс сотта қаралуда. Осыған байланысты Сәдуақасов Т.Х. бастапқыда шығарылған ақтау үкімінің күші жойылғаннан кейін соттан жасырынды.
Фото: Маңғыстау облысының әкімдігі
