Болат Назарбаев акцияларын мемлекетке қайтара ма?!

Келісімшарт бойынша ешқандай міндеттемелерді орындамаған

Malim Админ

  • 16.03.2023

Жоғарғы Соттың азаматтық істер жөніндегі сот алқасы Болат Назарбаевты  акцияларын мемлекет меншігіне қайтаруға міндеттеді.  Бұл іс Қаржы министрлігі Мемлекеттік мүлік және жекешелендіру комитетінің талап-арызы бойынша жүргізілген.  Назарбаевпен бірге  PLS-TM ЖШС  Алматы ауыр машина жасау зауытының акциялары да қайтарылмақ.   

Tengrinews.kz сайтының жазуынша, Мемлекеттік мүлік және жекешелендіру департаменті 1998 жылы «АМЖЗ» АҚ-ның жарғылық капиталының 31,9 пайызы көлеміндегі акцияларының мемлекеттік пакетін тендер жеңімпазы – «Темір Кон» ЖШС-не 105,3 миллион теңгеге сатқан. Сатып алу-сату шартына сәйкес, жаңа иеленуші зауыттың профилін сақтап, өнім көлемін көбейту керек еді.

2007 жылы «Темір Кон» ЖШС "АМЖЗ" АҚ акцияларының 86,78 пайызын, оның ішінде мемлекеттік үлесінің 31,9 пайызын Болат Назарбаевқа сатты. 2009 жылы «Фирма Баяу» ЖШС зауыттың материалдық-техникалық базасы қанағаттанарлықсыз жағдайда, өндірістік көрсеткіштер төмендеп, мүлік кешені мен жер ыдырап жатыр, ғимараттар мен құрылыстар жалға немесе үшінші тұлғаларға сатылып жатыр деген қорытындыға келді, бұл -міндеттемелерді орындамау. 2009 жылы Болат Назарбаев келісімшарт бойынша ешқандай міндеттемелерді орындамай, PLS-TM ЖШС-нің басқа да акцияларымен бірге мемлекетке тиесілі үлесті сатқан.  

«Мемлекеттік акциялар пакетінің иесі бола отырып, Болат Назарбаев бірінші шарттың ерекше талаптарын орындау бойынша міндеттемелерді өзіне алды. Болат Назарбаевтың зауыт қызметінің бейінін сақтау, өндіріс көлемін ұлғайту, PLS-ТМ ЖШС-мен шарт жасасқанда қауіпсіздік стандарттарын орындау жөніндегі міндеттемелері тоқтатылған жоқ. Болат Назарбаев даулы акцияларды жаңа сатып алушыға өз міндеттемелерін бермей иеліктен шығаруға құқылы емес еді», - делінген қаулыда.

Қаулыға сәйкес, түрлі сот органдары бұл істі бірнеше рет қараған. 2011 жылғы ақпанда Комитет берген талап-арызды Алматы Әуезов ауданының №2 соты қанағаттандырды. Алматы қалалық сотының апелляциялық және кассациялық сот алқалары бұл шешімді қолдаған. Алайда, 2012 жылы Жоғарғы Соттың сот алқасы шешімнің күшін жойып, істі бірінші сатыдағы сотқа қайта қарауға жіберді. Бұл жолы Алматы Әуезов ауданының №2 аудандық соты Комитетке талапты қанағаттандырудан бас тартты. Шешімді Алматы сотының азаматтық және әкімшілік істер жөніндегі апелляциялық сот алқасы растады. Алайда биыл Бас прокурор бұл шешімді даулау туралы шешім қабылдады.

Болат Назарбаев та, мемлекеттік мүлік комитетінің өкілдері де сот отырысына келмеген. Бас прокурордың дәлелдерін зерделегеннен кейін Жоғарғы сот алқасы даулы сот актілерін кассациялық тәртіппен қайта қарау үшін айрықша негіздер бар деген қорытындыға келді.

Жоғарғы Сот Бас прокурордың наразылығын қанағаттандырып, Алматы сотының 2012 жылғы шешімін жойды.

«Болат Назарбаев пен PLS-ТМ ЖШС арасында жарғылық қордың 31,9 пайызы» Алматы ауыр машина жасау зауыты»  АҚ-ның жай атаулы акцияларын сату бөлігінде жасалған 2009 жылғы 2 сәуірдегі бағалы қағаздарды сатып алу-сату шарты жарамсыз деп танылсын. Тараптарды бастапқы қалыпқа келтіру керек. Болат Назарбаевқа "АМЖЗ" АҚ-ның қарапайым атаулы акцияларын зауыттың жарғылық капиталының 31,9 пайызы мөлшерінде мемлекет меншігіне қайтаруға міндеттелсін», - деп жазылған қаулыда.  

Оқи отырыңыз: Болат Назарбаев ауырмапты. Тұсау кесіп жүр

 

Байланысты жаналықтар

«Таза Қазақстан»: Жамбыл облысында экологиялық науқан жалғасып, байқаулар ұйымдастырылады

10.06.2024

Мыңнан аса бекіре мен 67 итбалық табиғи мекеніне жіберілді (ФОТО)

08.06.2024

Бас прокуратура Кәрім Көкірекбаевтың ақталып шығуына қарсы

08.06.2024

Қарағанды облысы әкімдігі мердігерге орындалмаған жұмыс үшін 15 млн теңге төлеген

04.06.2024

Еревандағы наразылық: 67 адам ұсталды

27.05.2024

Қарасора өсірген екі астаналық сотталды

18.05.2024
MalimBlocks
«Таза Қазақстан»: Жамбыл облысында экологиялық науқан жалғасып, байқаулар ұйымдастырылады

Еске сала кетейік, «Таза Қазақстан» акциясы басталғаннан бері өңірде 1 770 сенбілік өтіп, оған 220 мың адам қатысты.

Мыңнан аса бекіре мен 67 итбалық табиғи мекеніне жіберілді (ФОТО)

ҰҚК Шекара қызметі «Бекіре-2024» акциясын қорытындылады

Бас прокуратура Кәрім Көкірекбаевтың ақталып шығуына қарсы

Олар сот үкіміне апелляциялық шағым түсірмек

Қарағанды облысы әкімдігі мердігерге орындалмаған жұмыс үшін 15 млн теңге төлеген

Аудан прокуратурасының қадағалау актісі негізінде кінәлі лауазымды тұлғалар тәртіптік жауапкершілікке тартылды.

Еревандағы наразылық: 67 адам ұсталды

Армениядағы наразылықтар 19 сәуірде Ереван мен Баку арасында Тавушпен шекараны делимитациялауды бастау туралы келісімге келгені белгілі болғаннан кейін басталған.

Қарасора өсірген екі астаналық сотталды

Судья әрқайсына 3 жылдан жаза кесті