АҚШ-тың бұрынғы президенті Дональд Трамп өзіне тағылған қылмыстық айыптарды мойындамады. Оған әйгілі порножұлдызға 2016 жылы президенттік сайлауға түсерде 130 мың доллар пара берді деген айып тағылып отыр. Ал құқық қорғау сарапшыларының пікірінше, бұл Трамптың 2024 жылы президенттікке түсуіне кедергі бола алмайды.
АҚШ-тың 45-ші президенті және 2024 жылы өтетін президенттік сайлауға түсуден үміткер Дональд Трамп Манхэттендегі сот отырысына өзіне тағылған айыптарды тыңдау үшін келді. Сот отырысы сейсенбіде сағат 14:15-ке белгіленген еді. Алдымен, кәдімгі күдікті ретінде Трамптан саусақ табын алған, бірақ фотосурет түсіруге рұқсат етілмеді. Нью-Йорк штаты Жоғарғы Сотының судьясы Хуан Мерчан БАҚ-ның процесті түсіру туралы өтініштерін қабылдамады. Дегенмен фотографтарға айыптау ісі басталар алдында Трампты түсіруге рұқсат берді. Осылайша сот залына бірнеше минутқа ғана бес фотограф жіберіледі. Ал сол маңға АҚШ-тың бұрынғы президентін қолдайтын топ «Трамп жеңеді, Американы сақтайық» деген ұрандар жазып, көшеге шықты.
Айта кетейік, АҚШ-тың бұрынғы президенті Дональд Трамп бүгін Нью-Йоркте қамауға алынды. Трамп қылмыстық жауапкершілікке тартылған АҚШ-тың алғашқы экс-президент.
Саясаткер Нью-Йорктегі үлкен қазылар алқасының өзін айыптау туралы шешімін «тарихтағы ең жоғары деңгейде саяси қудалау және сайлауға араласу» деп атады. Бұған дейін хабарланғандай, Трампқа қатысты барлық 34 айып тағы да қылмыстық санатқа ауыстырылған.
Байланысты жаналықтар
MalimBlocks
