Митингте көзіне оқ тиген өскемендік әлі қамауда отыр  

Олжас Қасым

  • 05.02.2022

Өскемен қаласының тұрғыны Жеңіс Зайнолла Malim.kz редакциясына ұлы 1998 жылы туған Ерқанат Жеңісұлының Қаңтар оқиғасына байланысты ұсталып, бір айға жуық түрмеде отырғанын айтып шағымданды. Оның айтуынша, митинг болып жатқан жерге кездейсоқ барып қалған ұлы Ерқанат полицейлердің атқан оғынан бір көзі көрмей қалса да, ауруханада жатқан жерінен изоляторға апарылған.  

- «Өскемен қаласында телефон жөндеуші болып жұмыс істеп жүрген.  5-қаңтар күні сағат 19:00 де жұмыстан шығып, шамамен 1 сағаттай автобус тосып тұрыпты.  Сол күні қаладағы төтенше жағдайға байланысты, автобустарды тоқтатып тастаған еді. Үйге келе жатып мөлшермен 20:30 минут шамасында Қазақстан даңғылы бойындағы ШҚО әкімшілік ғимараты маңында бір топ шеруге шыққан адамдарға кез болған. Сол жерде полициялардың бірінің атқан  резеңке оғы оның оң көзіне тиген.  Соның салдарынан Ерқанаттың оң көзінен қан кетіп, жанары көрмей қалды. Сол жерде оған  бейтаныс жігіт такси ұстап беріп, түнде ол облыстық ауруханаға түседі. Келесі күні таңғы уақытта операция жасалады,- дейді Ерқанаттың әкесі. 

Отаның нәтижесіне сәйкес  дәрігерлер Ерқанаттың оң көзі  көру қабілетінен айрылған деген диагноз қойған. Жеңіс Зайнолла соған қарамастан, полицейлердің ауруханада жатқан ұлын  изоляторға қамау себебін түсінбей дал. Ерқанаттың адвокаты Асқарбек Тұтқышев оның шеруге қатысқан адам ретінде күдіктенетіндей ешқандай да айғақтар жоқтығын айтады. Ұялы телефонынан күмән тудыратын бейне жазбалар да табылмаған. 

- Менің қорғауымдағы Жеңісұлы Ерқанат бұрын сотты болмаған, білімі жоғары, бойдақ, ешкімге ешқандай зорлық-зомбылық көрсетпеген, күш қолданбаған, ешқандай дүние мүліктерді қиратпаған, өртемеген, жоймаған, атыс қаруын, жарылғыш заттарды пайдаланбаған. Бұл туралы ол өзінің алғашқы жауабында да көрсетіп отыр. Алайда, осы қылмыстық істің тергеуі барысында 08.01.2022 жылы Жеңісұлы Ерқанатты ҚР ҚК-нің 272 бабы 2 бөлігінде көрсетілген қылмыс жасады деген күдікпен күдікті адам ретінде жауап алып, уақытша қамау изоляторна қамаған болатын. Осыдан кейін 10.01.2022 жылы Жеңісұлы Ерқанатқа ШҚО Өскемен қаласының мамандандырылған тергеу сотының  қаулысымен бұлтартпау шарасы ретінде «күзетпен ұстау» шарасы қолданылды. Бұл қаулыға берілген апелляциялық шағымды да облыстық соттың алқасы қанағаттандырусыз қалдырған,- дейді Асқарбек Тұтқышев.

Ерқанат Жігерұлының адвокаты Шығыс Қазақстан облысының прокуроры және ведмоствоаралық тергеу бөлімінің жетекшісіне өтінішхат жолдапты.   Ол құзырлы органнан көрсетілген мән-жайларды өте мұқият қарап, бұлтартпау шарасын өзгертуді сұрайды.  Ерқанатқа  «Кепіл» немесе «Үйқамақ» түріндегі бұлтартпау шараларын қолдануға рұқсат берілсін дейді.

Адвокат Асқарбек Тұтқышевтің мәлімдеуінше,  Ерқанат Жеңісұлының дене жарақаты «АУЫР» дәрежеде, оң көзі көру қабілетінен мүлдем айырылған. Аталған факті бойынша тергеу жүргізіп жатқан қызметкерлер бүгінге дейін сот-медициналық сараптамасын тағайындамаған.

Жақындары мен адвокат тергеу изоляторында жатқан Ерқанатпен кездескен.  Байқағанындай, оның ота жасалған көзі әлі жазылмаған, дәрігерлік ем де көрсетілмеген.  Дәрігерлердің көзіне жағуға және тамызуға жазып берген дәрі-дәрмектерін де ала алмай отыр.

Қазақстан Республикасының Конституциясында  «мемлекетіміздің ең қымбат қазынасы - адамның өмірі, яғни оның денсаулығы» деп жазылғаны мәлім.  Алайда сиырқұйымшақтанған бұл жағдайға қашан нүкте қойылары бәймәлім.  Ерқанаттың мүддесін қорғаушы адвокат оның қамауда жатып көзіне тиісті ем қабылдай алмағанын, инфекция түсіп, көзінің жарақаты асқынып кетуі әбден мүмкін дейді.  Егер босатылмаса  екінші көзінің көрмей қалу қаупі бар.

Небәрі 23 жастағы Ерқанат әлі отбасын да құрмаған. Ата-анасы  келешегінен үміт күтіп отырған ұлының аянышты жағдайда жатқанына қамығады. Жақындары көру мүмкіндігінен айрыла ма деп аза-бойы қаза болып отыр. Денсаулығы сыр берсе де бір айға жуық қамауда отырған азаматтың босатылуын талап етеді және барша қазақстандықтардың осыған үн қосуын сұрайды. Өйткені, мұндай жазықсыз тергеліп, қинау фактілері әр қалада жиі тіркеліп жатыр...  

Байланысты жаналықтар

Теміржолға иелік ететін 25 компания мемлекет меншігіне өтеді

18.05.2022

Рысбек Сәрсенбайұлы: Сайлау кейінге қалуы керек

28.10.2020

«Полиция адам өлтірді»

26.02.2020

Президент жариялаған саяси реформалардың жүзеге асуы Мәжіліс депутаттарына тікелей байланысты

17.03.2022

Парламент вам не бухгалтерия! Как депутаты заботились о деньгах Нацфонда

20.04.2022

Назарбаевқа ассамблеяны өмір бойы басқару құқығы берілмек

24.06.2021
MalimBlocks
Теміржолға иелік ететін 25 компания мемлекет меншігіне өтеді

Рысбек Сәрсенбайұлы: Сайлау кейінге қалуы керек

«Полиция адам өлтірді»

Президент жариялаған саяси реформалардың жүзеге асуы Мәжіліс депутаттарына тікелей байланысты

Парламент вам не бухгалтерия! Как депутаты заботились о деньгах Нацфонда

В среду, 20 апреля, группа женщин с какой-то своей общей проблемой подошла к площади у парламента, и, судя по всему, совсем не ожидала встретить на подступах полицейского с автоматом. Его присутствие стало нормой после январских событий, но жители регионов, понятное дело, не думали, что все может быть так серьезно. Разговаривать с журналистами женщины не хотели, видя в каждом проявлении внимания какую-то угрозу или подвох. Так и стояли они, растерянно глядя по сторонам, обнимая каждая по папке документов. В это время члены правительства на пленарном заседании в мажилисе убеждали депутатов, что последствия январских событий буквально опустошили госрезерв, и надо бы взять еще денег из Нацфонда.

Назарбаевқа ассамблеяны өмір бойы басқару құқығы берілмек