Сенат депутаты Ақылбек Күрішбаевтың Жер реформасы жөніндегі комиссияның 5-ші отырысында ауыл шаруашылығы жерлері ешкімге сатылмай мемлекеттің меншігінде болуы қажеттігін айтты.
«Комиссияның бірінші отырысында айтқан сөзімді қайталаймын, ауылшарушылығы мақсатындағы жерлер ешкімге сатылмай мемлекеттің меншігінде болуы керек! Біріншіден, бұл аграрлық саланың дамуына елеулі кедергі емес. Қазір, шаруашылықтар ауылшаруашылығы жерлерін 49 жылға дейін жалға алып отыр. Егер жерпайдаланушы тиімді жұмыс істейтін болса, сол жерді келесі мерзімге жалға алуға мүмкіндігі бар. Яғни бұл шарт көптеген шаруашылықтарға тиімді деуге болады. Осы сөздің дәләлі ретінде айтарым, 2003 жылдан 2016 жылға дейін ауылшаруашылығы мақсатында жерлерді меншікке беруге руқсат етілген 13 жылда жеке меншікке сол жерлердің тек 1,3 % сатып алынған. Яғни ауылшаруашылығы жерлердің 99 % жалда қалып отыр», - деді Күрішбаев.
Күрішбаевтың сөзінше, жерді сатудан 13 жылда қазынаға 40 миллиард теңге қаржы түсіпті. Ол бұл қоғам дүрлігетіндей қаржы емес деп есептейді.
"Ал ауылшаруашылығы жерлерін сатудан түскен инвестицияға келетін болсақ, жоғарыда айтқан 13 жылда Ұлттық экономика министрлігінің Экономикалық зерттеу институтының мәліметі бойынша, сол жерлерді сатудан қазынаға 40 миллиард теңгеге жуық қаражат түсіпті. Менің ойымша бұл қоғамды соншалықты дүрліктіретін қаржы емес", - дейді сенатор.
