Азаматтар мен қоғамдық бірлестіктер референдум бойынша өз пікірін білдіре алады. Алайда, үгіт-насихат ережелерін бұзғандарға айыппұл салынады.
Үгіт материалдарында оны шығарған ұйым, басылған жері мен таралымы, оларды шығаруға жауапты адамдар туралы мәлімет болуы тиіс. Дегенмен, кімге үгіт материалдарын таратуға тыйым салынатынын біле жүріңіз.
Алдымен анонимді жазбаларға рұқсат етілмейді. Авторы немесе осы материалдарды шығарған ұйымдар туралы ақпараты жоқ материалдар анонимді болып саналады. Республиканың конституциялық құрылысын күштеп өзгертуге, оның тұтастығын бұзуға, мемлекет қауіпсіздігіне нұқсан келтіруге, әлеуметтік, нәсілдік, ұлттық, діни, тектік-топтық және шежірелік астамшылыққа, сондай-ақ қатыгездік пен зорлық-зомбылыққа үгіттеуге жол берілмейді.
Мұндай әрекеттер ҚР Қылмыстық кодексі бойынша қылмыстық жауапкершілікке әкеп соғады. БАҚ-та жарияланған барлық материалдар заң талаптарына сай болуы тиіс. Референдум туралы заңда көрсетілгендей, референдумның алдындағы күні және референдум күні үгіт жүргізуге тыйым салынады. Заңды бұзғандарға Бас прокуратураға шара қолданады.
Бас прокурор орынбасары Болат Дембаевтың айтуынша, аноним үгіт материалдарын таратқаны үшін ӘҚБтК 113-бабы бойынша 25 АЕК мөлшерінде айыппұл салынады. Айта кетейік, республикалық референдум 5- маусымда өтеді.
MalimBlocks
