Тоқаев Расул Жұмалыны Ливанға жіберді
Саясаттанушы Расул Жұмалы президент жарлығымен Ливандағы елші болды.
«Мемлекет басшысы Қасым-Жомарт Тоқаевтың жарлығымен Расул Жұмалы Қазақстан Республикасының Ливан Республикасындағы Төтенше және Өкілетті елшісі лауазымына тағайындалды», - деп жазды Ақорда.
Айта кетейік, Расул Жұмалы 2019 жылы президент сайлауына түскен Әміржан Қосановтың сенімді серіктерінің бірі болған. Және онымен бірге «Жаңа Қазақстан» форумын ұйымдастырған. Алайда сайлауда Тоқаев жеңгеннен кейін «Жаңа Қазақстан» форумы жұмысын тоқтатты да, ол жерде жұмыс істеген Айдос Сарым мен Расул Жұмалы Тоқаев құрған Ұлттық кеңеске мүше болып кетті.
