Жемқорлық не ауыр қылмыс жасағандар сайлауға кандидат ретінде ұсынылмайды

«Сайлау туралы» конституциялық заңға өзгерістер мен толықтырулар енгізілмек, деп хабарлайды Malim.kz.

Құжат мәтіні «Ашық НҚА» порталында жарияланған. Заң жобасына сәйкес, бірнеше өзгерту мен түзету енгізу көзделген. Солардың кейбірін атап өтсек, мәселен, сыбайлас жемқорлық қылмыс және сыбайлас жемқорлық құқық бұзушылық, сондай-ақ ауыр, аса ауыр қылмыс жасаудағы кінәсін сот заңда белгіленген тәртіппен таныған адам Қазақстан Республикасының Президенттігіне, Парламентінің, мәслихаттардың депутаттығына, әкім болуға кандидат, сондай-ақ өзге де жергілікті өзін-өзі басқару органдары мүшелігіне кандидат бола алмайды.

Сондай-ақ, сайлау комиссияларының өкілеттiк мерзiмi 5 жылды құрайды. Әкімшілік-аумақтық бірліктер қайта құрылғаннан кейін қалыптастырылған сайлау комиссиялары мүшелерінің өкілеттік мерзімі тиісті әкімшілік-аумақтық бірліктің сайлау комиссияларының өкілеттік мерзімдеріне сәйкес белгіленеді.

Сайлау комиссияларының мүшелері тарапынан лауазымдық өкілеттіктерін немесе осы Конституциялық заңның талаптарын бұзушылықтар анықталған кезде сайлау комиссиясы ескерту жасауға және (немесе) уақытша шеттетуге құқылы.

Сайлау комиссияларының мүшелері тарапынан лауазымдық өкілеттіктерін немесе осы Конституциялық заңның талаптарын бұзушылықтар анықталған кезде сайлау комиссиясы ескерту жасауға және (немесе) уақытша шеттетуге құқылы.

Сондай-ақ, Мәжіліс депутаттығына сайлау үшін партиялық тізімге енгізілген адам бірмандаттық аумақтық сайлау округтері бойынша ұсынылуға құқылы емес.

Ешкім бір сайлау округінен артық кандидат бола алмайды. Бір адам Мәжіліс пен Мәслихаттың бірмандаттық округтері бойынша бір мезгілде ұсыныла алмайды.

Құжат мәтіні 5 ақпанға дейін жария талқыда болады.

Фото: pexels.com