Дастархан басындағы әңгімеде ол өз жолын Рысбек Сәрсенбайұлына беретінін және оны қолдап, жақтастарын дауыс беруге шақыратынын айтады.
Осыған дейін әлеуметтік желіде Алматы облысындағы 11-сайлау округінде дауысқа түсіп жатқан белгілі журналист, саясаткер Рысбек Сәрсенбай, экс-шенеунік Қайрат Нұрқаділов, әнші Нұрлан Албан, спортшы Ардақ Назаровтар бір өңірдің тумалары, бір атаның балалары екенін айтып, үлкенге жол беруге шақырып жатқандар шыққан еді. Осы посты әлеуметтік желіге айғайлатып жазудағы мақсат рушылдықты, жершілдікті алға тарту ма, әлде, аға-іні демей додаға түсіп жатқан бұл азаматтардың рулық деңгейден асып кеткенін көрсетуі ме, ол жағы түсініксіз болып тұрғандай еді.
