Qazaqstan ұлттық арнасы Ақбота Керімбекованың оқиғасына байланысты мәлімдеме жасады
Qazaqstan ұлттық арнасы «Жұлдызды жұп» жобасына қатысушы танымал әнші Ақбота Керімбековамен болған оқиғаға қатысты ресми мәлімдеме жасады, деп хабарлайды Malim.kz.
«Qazaqstan» телеарнасының жаңа маусымдағы жобаларының бірі «Жұлдызды жұп» бағдарламасының түсірілімі қарсаңында қатысушылар орналасатын қонақүй нөмірін алдын ала рәсімдеуде қателік кеткен. Нақтырақ айтқанда, әнші Ақбота Керімбекова келіп түскен қонақүйде оған арналған нөмір бос болмай шыққан. Ұйымдастырушылар тарапынан мәселе шешімі ретінде бірден өзге бірнеше қонақүйден нөмір таңдау ұсынылды, бірақ әнші одан бас тартты, – делінген корпорация таратқан ақпаратта.
Баспасөз қызметінің хабарлауынша, бағдарлама қатысушылары мен олардың репертуарын корпорацияның Көркемдік кеңесі іріктеп, бекітеді.
«Динара Адам продакшн компанияда жоба кеңесшісі міндетін атқарады. Одан бөлек, бұл жобада 195 маман қызмет етеді. Бағдарлама продюсері арнаның бұған дейінгі «Егіз лебіз», «Дара бала» сияқты жобаларына жетекшілік еткен тәжірибелі маман Сандуғаш Рахымжанова. «Qazaqstan» телеарнасы мен арна көрермендері Ақбота Керімбекова мен әншінің ұлы Біржан Шалқарды жобадан әрі қарай да көргісі келеді», – делінген хабарламада.
Айта кетейік, танымал әнші Ақбота Керімбекова әлеуметтік желіде ұйымдастырушылар жататын орынды реттеп бермей, далада қалдырғанына және продюсердің дөрекілігіне қатысты үндеу жасаған еді.
Самое читаемое
