Астанада жасыл аумақтардың қатары артады! Биыл елордада миллион жасыл желек (ағаштар, бұталар, көшеттер) отырғызу жоспарланып отыр. Оның 500 мыңы қалада, тағы осындай мөлшері Астананың жасыл белдеуіне отырғызылады. Жапырақты ағаштарға басымдық беріледі.
Елорданы дамыту жөніндегі кеңесте Мемлекет басшысы бес жыл ішінде Астананы бақша қаласына айналдыруды, көпжылдық өсімдіктерді көбірек отырғызуды тапсырды. Қалада көктемгі ағаш отырғызу және «Жасыл Астана» экологиялық айлығы басталды.
Осылайша Абылай хан даңғылы, Қажымұқан, Петров, Болекпаев, А-105, Балталы, Алаш тас жолы және т.б. көшелерінің бойында ағаштар отырғызылды.
Қаланы жаппай көгалдандыру экологияны жақсартуға, қала тұрғындары үшін демалыс орындарын ашуға, елорданың климаттық жағдайын жақсартуға мүмкіндік береді. Соңғы бес жылда Астанада 2,6 миллионнан астам жасыл желек отырғызылды.
Сонымен қатар, «Жасыл Астана» экологиялық айлығы аясында еңбек ұжымдарының, қала тұрғындарының күшімен полигонға 555 тоннадан астам қалдық шығарылды. Саябақтар мен скверлерде жалпы ауданы 2,5 млн шаршы метрден астам аумақ жиналды. «Жасыл Астана» экологиялық айлыққа 11 мыңнан астам адам, 200-ден астам кәсіпорындар мен ұйымдар, ПИК және МИБ ұжымдары, шағын және орта бизнес субъектілері және т.б. қатысты.
Байланысты жаналықтар
MalimBlocks
Бізді үлкен өзгерістер күтіп тұрғанына сенімдімін
Соңғы екі жыл бедерінде елімізде ауқымды саяси реформалар жүзеге асты. Ал оның аймақтарға әсері қалай? Ел қалай қабылдады? Түркістан өңірінде қандай өзгерістер болды? Осы төңіректегі сауалдарды Түркістан облыстық «Гарабах» әзірбайжан этномәдени бірлестігінің жетекшісі Рамилия Мустафаеваға қойған едік.
Орталық Азияның креативті индустрия халықаралық форумында не айтылды?
Алматыда «Сreative Central Asia 2023» халықаралық форум өтті. Қырғызстан, Өзбекстан, Тәжікстан, Оңтүстік Корея, ТМД елдерінен, АҚШ және Англиядан 100-ден астам сарапшы қатысқан бұл форумда кино, музыка, медиа және цифрлық мәдениеттер, білім беру, сән және заманауи өнер салаларындағы бірегей платформа ұсынылды.