Экология, геология және табиғи ресурстар министрі Мағзұм МЫРЗАҒАЛИЕВ Теміртаудағы кәсіпорындарға тексеріс жүргізуді тапсырды. Бұл туралы malim.kz хабарлайды.
«Теміртау тұрғындары тағы да қалаға таралған ыс жөнінде шағымдануда.Экология департаменті табиғатты пайдаланушыларды,сондай-ақ, өнеркəсіп орындарының қолайсыз ауа райы кезіндегі қоршаған ортаға зардабын азайту шараларын орындауын тексермек.Оның қорытындысы жұртшылыққа хабарланады», - деп жазды министр твиттерде.
Теміртау халқы қара қардың фотоларын әлеуметтік желілерге жүктеген. Қазір қара қарға жергілікті халықтың көзі үйрене бастады. Бұндай жағдай 2018 жылы да болған. Экологтар, метеорологтар, прокуратура қызметкерлері мен «АрселорМиттал Теміртау» компаниясы өкілдерінен құралған жұмысшылар тобы да жұмыс жасаған еді.
Сол жылы Қарағанды облысына іс сапармен келген президент Нұрсұлтан НАЗАРБАЕВ өңірде зауыттардан жылына 600 мың тоннаға жуық зазалды заттар шығатынын айтқан еді. Облыс басшысы Ерлан ҚОШАНОВҚА үкіметпен бірлесе отырып, экологиялық проблеманы кешенді түрде шешу керектігін тапсырған.
Фото: baigenews.kz
Байланысты жаналықтар
MalimBlocks
