Бүгінгі нөсер жаңбырдан соң Астана көшелері көлкіген суға толды. Әлеуметтік желілерде су басқан аумақтардың видеосы таралып жатыр.
Әкімдік таратқан мәліметке қарағанда қала бойынша 100-ден астам арнайы техника жұмылдырылған. Су басқан учаскелерде бригадалар жұмыс істеп жатыр.
Elorda eco system ұйымы жер үсті ағынын бұру мақсатында коллекторлар мен жаңбыр қабылдағыштарды, құбырларды, нөсер кәріздерін тазарту, кәріз жүйелерінің құрылысы және т.б. жұмысты атқарып жатыр.
Айта кетейік, шілде айында да жауын-шашынның салдарынан Астана «кіші Венецияға» айналған еді. Автобустар қала көшелерінде жүріп келе жатып, «жүзіп» кеткен болатын.
