«Адамгершілік емес». Жәнібек Әлімханұлы өзін мазақ еткен боксшыны сабасына түсірді
Ол жаңазеландиялық Андрей Михайловичке жауап берді
![](/images/article-img/1600/23376-1721371000-m.jpeg)
Кәсіпқой боксшы Жәнібек Әлімханұлы салмақ қууға байланысты сәтсіздіктен кейін жекпе-жекті кейінге қалдырғаны белгілі. Осы жағдайдан соң боксшының қарсыласы Андрей Михайлович Әлімханұлы туралы видео түсірген еді. Аталмыш видео отандасымыздың намысына тиген, деп хабарлайды Malim.kz.
Видеода Михайлович асфальтқа Janibek деп жазып, оның жанында билейді. Содан кейін жазудың үстіне ұнтақ сеуіп, су шашады. Жәнібек Әлімханұлы жаңазеландиялық боксшының бұл әрекеті адамгершілікке жатпайтынын айтты.
"Андрейдің парақшасындағы видеоны көрдім. Бала өзіне көп алып жатыр екен. Мен жекпе-жекке денсаулығыма байланысты шыға алмадым. Ауруханаға түстім. Бірақ қарсыласым адам басындағы сынақты, ауыр жағдайды мазақ қылып жатыр. Бұл негізі адамгершілік емес. Ешқандай боксшы бұлай жасамайды. Қайта сауығып кет дейді. Ал оның ісіне, тіпті, мен ұялып кеттім. Бізде келісімшарт бар, жұдырықтасамыз. Бірақ енді оны аямаймын", - деп жазды қазақстандық боксшы Instagram желісіндегі ресми парақшасында.
Фото: Top Rank
Байланысты жаналықтар
MalimBlocks
![](/images/article-img/600/24418-1725196455.jpg)