Қазақстанның мерекелік күндерінің қатары тағы бір датамен толықпақ. Бұл туралы Қазақстан үкіметі арнайы қаулы дайындады деп хабарлайды Malim.kz сайты ҚазТАГ-қа сілтеме жасап.
Үкімет қаулысының жобасына сәйкес жаңа мереке 14 наурыз күніне бекітілмек.
«Қазақстан Республикасындағы мерекелік күндердің тізбесін бекіту туралы Қазақстан Республикасы Үкіметінің 2017 жылғы 31 қазандағы № 689 қаулысы келесі мазмұндағы 3-1 тармағымен толықтырылсын: «3-1. «Көрісу» (Амал) дәстүрі – 14 наурыз», - делінген қаулы жобасында.
Бұл жоба өткен жылғы 10 сәуірден бері дайындалған.
«Жобаны қабылдау қазақ халқының үздік дәстүрлерінің сақталуына, адамдарда мейірімділікті, қайырымдылық пен сыйластықты тәрбиелеуге ықпал етеді», - деп мәлімдеді мәдениет және спорт министрі Ақтоты Райымқұлова.
Көрісу күнінде адамдар бір бірімен амандасып, «жасың құтты болсын!» деп тілек айтады. Бұл күні өткен өкпе-реніш ұмытылу керек деп есептеледі. Көрісу күні – Амал мерекесі деп те аталады. Негізінен еліміздің бастыс өңірінде сақталған.
Фото: ktk.kz
Байланысты жаналықтар
MalimBlocks
