Қазақстан мен Грекия құрамалары Ұлттар лигасының плей-офф кезеңінің жартылай финалдық кезеңінде ойнайды. Футбол бүгін, яғни, 22-наурызда Астана уақытымен 00:35 те басталады.
Бірнеше күн бұрын Қазақстан ұлттық құрамасының ойынан ақпарат тарату үшін еліміздің бірқатар журналисі Афинаға аттанған еді. Олардың қатарында El.kz сайтының тілшісі, спорт журналисі Бек Төлеуов та бар. Malim.kz редакциясы Бек мырзаға хабарласып, дүбірлі дода жайлы ақпарат алды. Журналистің сөзінше, қазақстандық спортшылар жауапкершілікті сезініп, бұл ойынның үлкен мүмкіндік екенін біліп отыр.
- Футболшылардың көңіл-күйлері көтеріңкі. Физикалық, психологиялық дайындықтары жоғары екені байқалады. Бізге жеткен ақпарат бойынша, елден Ұлттық құраманы қолдауға мыңдаған жанкүйер келген. Бұл да спортшылардың барын салып, өнер көрсетуіне оң әсер етеді деп үміттеніп отырмыз. Айта кетер жайт, бұған дейінгі ойындарға көз жүгіртсек, Қазақстан Ұлттық құрамасы үшін Наурыз айы айтырлықтай нәтижелі болған екен. Дания, Сербия сияқты елдерді дәл осы Наурызда жеңген. Осы жолы да сәтін салса деген тілек бар, - дейді Бек Төлеуов.
Еуропа чемпионатына жолдаманы соңғы 4 команда бөліске салады. Олар Грекия-Қазақстан, Грузия-Люксембург.
Бүгін Грузия мен Люксембург футболшылары Тблисиде кездеседі. Төрт команда арасынан шыққан екі жеңімпаз бір-бірімен жолығады. Ал сол ойында басым түскен команда Еуропа чемпионатына жолдама алады.
Еуропа чемпионаты 2024 жылдың 14-шілдесінде Германияда өтеді.
ФОТО: ҚФФ
