Қазақстанның құрметті журналисі Данабек Бименов өмірден озды
Қазақстанның құрметті журналисі Данабек Бименов 67 жасында қайтыс болды. Бұл туралы ҚазТАГ ақпарат агенттігі хабарлады.
Данабек Бименов журналистика келгенге дейін физик болып жұмыс істеді. Қазақ мемлекеттік университетін тәмамдаған соң, зерттеу экспедициясының құрамында Антарктидадағы Мирный стансасына барған. Ол экологиялық қауіпсіздік пен климат бойынша түрлі ғылыми мақалалардың авторы.
Журналистикаға ғылымнан келген Данабек Бименов BBC телерадио корпорациясы қазақ редакциясында он жылдан астам уақыт жұмыс істеді. Содан кейін "Азаттық радиосына жұмыс істеген. Кейін ҚазТАГ ақпарат агенттігі қазақ редакциясының редакторы қызметін атқарды. Соңғы жылдары "Вечерний Алматы" басылымында жұмыс істеген.
2014 жылы Қазақстан Журналистер одағы Данабек Бименовке "Қазақстанның құрметті журналисі" атағын берген. Данабек Бименов журналистер арасындағы бірқатар халықаралық және республикалық байқаулардың жеңімпазы.
Malim.kz Данабек Бименовтің туған-туыстарына қайғырып көңіл айтады.
Фото: ҚазТАГ