Жеңіске жеткен Головкин жаңа рекорд орнатты

Абай Нұржанұлы

  • 19.12.2020

Орта салмақта IBF және IBO тұжырымдары бойынша әлем чемпионы Геннадий Головкин кәсіпқой бокстағы 41-ші жеңісіне қол жеткізді.

Қазақстандық боксшы Холливудта (Флорида штаты, АҚШ) өткен бокс кешінің басты жекпе-жегінде поляк Камил Шереметамен жұдырықтасты. Бұл кездесуде Головкин өзіне тиесілі IBF және IBO белбеулерін қорғады.

Бірінші раундтың соңына қарай Головкин польшалық боксшыны нокдаунға түсірді. Екінші және төртінші раундта да Шеремета нокдаунға бір түсіп алды. Кездесу толығымен Головкиннің басымдығымен өтті.

Жекпе-жек тағдыры 7-раундтан кейін шешілді. Шеремета кездесуді жалғастырудан бас тартты. Қазақстандық боксшы техникалық нокаутпен жеңді.

Осылайша, Головкин кәсіпқой рингтегі 41-ші жеңісіне жетті, оның 36-сын нокаутпен аяқтады. Бұдан бөлек еншісінде бір тең есеп пен бір жеңіліс бар. Ал Камил Шеремета карьерасында алғаш рет жеңіліп отыр. Бұған дейін поляк 21 жекпе-жекті (5-еуі нокаутпен) жеңіспен аяқтаған еді.

Айта кетейік, GGG бұл жекпе-жектен кейін орта салмақ рекордын қойды. 1995-2005 жылдар арасында америкалық Бернард Хопкинс әлем чемпионы титулын 20 рет қорғап, рекорд қойған еді. Ал Шереметаға қарсы жекпе-жекте Головкин титулдарын 21-рет қорғап қалды.

Байланысты жаналықтар

Тоқаев шахматтан жастар арасында әлем чемпионы атанған Қазыбек Нөгербекті құттықтады

14.06.2024

Нұрдос Сабыр ауыр атлетикадан жасөспірімдер арасында әлем чемпионы атанды

26.05.2024

Қазақ қызы Ғалия Тынбаева Астанадағы халықаралық жарыста чемпион атанды

10.05.2024

Чемпион өз-өзіне қол жұмсап қайтыс болды

27.06.2023

40 жастағы Головкин 42-ші жеңісіне жетті

09.04.2022
MalimBlocks
Тоқаев шахматтан жастар арасында әлем чемпионы атанған Қазыбек Нөгербекті құттықтады

Қазыбек Нөгербек 13 маусымда Делиде (Үндістан) өткен шахматшылар арасындағы 20 жасқа дейінгі әлем чемпионатында алтын медаль иеленді.

Нұрдос Сабыр ауыр атлетикадан жасөспірімдер арасында әлем чемпионы атанды

Әлем чемпионаты Лимада өтіп жатыр

Қазақ қызы Ғалия Тынбаева Астанадағы халықаралық жарыста чемпион атанды

Бүгін Астанада Жақсылық Үшкемпіров атындағы жекпе-жек сарайында дзюдодан Qazaqstan Barysy Grand Slam басталды.

Чемпион өз-өзіне қол жұмсап қайтыс болды

Ауыр атлетикадан Қазақстанның төрт дүркін чемпионы, Владимир Седов өзі тұратын Жетісу облысы Қаратал ауданындағы Достық ауылындағы үйінде өлі күйінде табылды.

40 жастағы Головкин 42-ші жеңісіне жетті

«Рақмет, жігіттер! Алға Қазақстан»