Ахмет Байтұрсынұлының өлеңдері

Ахмет Байтұрсынұлы 1872 жылы 5 қыркүйекте қазіргі Жангелді ауданы, Қостанай облысында дүниеге келген. 1937 жылы 8 желтоқсанда Алматы қаласында қаза тапқан. Ақын, әдебиет зерттеуші ғалым, түркітанушы, публицист, педагог, аудармашы, қоғам қайраткері.

Malim Админ

  • 18.07.2024

Иттің достығы
Бір байдың «Төрткөз», «Мойнақ» төбеттері,  
Өздері, ит болса да, әдепті еді. 
Түнде үріп, күндіз үрмей, жай жатататын 
Болады әдепті иттің әдеттері. 

Түс мезгіл екі төбет тойып жатып, 
Кемпір наз-өкпелерін қойып жатып, 
Ас үйдің алдындағы күн шуақта 
Сөйлесті әр нәрсенің басын шатып. 

Сөз қылды жақсылықты, жамандықты, 
Жомарттық, мырзалық пен сараңдықты. 
Достықтың, дұшпандықтың жайын сөйлеп, 
Қолға алды татулық пен араздықты. 

Тілмарсып сол уақытта айтты «Мойнақ»: 
«Менсіз-ақ қара, «Төрткөз», өзің ойлап. 
Дүниеде одан артық не нәрсе бар  
Тұрғаннан татулықпен күліп-ойнап?! 

Дос болсаң құшақтасып, жанға балап, 
Сөз айтсаң бір-біріңе «шырақ, қарақ», 
Алты күн ашаршылық көрсең дағы, 
Жемесең бірің жоқта бірің тамақ; 

Достың дос жұлдырмаса жауға түгін, 
Еш нәрсе айырмаса ара-жігін 
Бірінің қабағына бірі қарап, 
Білмесе күннің қалай өткендігін! – 

Не бар деп дүниеде мұнан артық, 
Мен қалып бір қиялға тұрмын бүгін. 
«Жолдыаяқ», ақсақ «Құтпан», жаман «Сарқұс», 
Солар да тату боп жүр, біздер түгіл». 

Сөйледі маңызданып енді «Төрткөз»: 
«Мойнеке», мұның әбден айтарлық сөз. 
«Тұрмайтын бір күн тату неміз бар?» – деп, 
Мен дағы ойлаушы едім осыны әр кез. 

Не келіп, тірі жүрсең, не кетпейді, 
Араз боп, екеуімізге не жетпейді? 
Тамақ тоқ, өркені өссін иеміздің! 
Тыюсыз сөгіп-соқпай, құрметтейді. 

Расын рас демей, танамыз ба? 
Бір тәулік татулық жоқ арамызда; 
Тұрмайтын ренішке сәл нәрсеге 
Екеуіміз таласамыз, барамыз да. 

Мұндай іс арасында болған емес, 
Көз салсақ бұрынғы өткен бабамызға. 
Атаның жолын қумай, лаққанда, 
Тура жол сонан артық табамыз ба?». 

Бұл сөзге көңілденіп, «Мойнақ» тасты, 
Ол үлкен, онан гөрі «Төрткөз» жас-ты; 
«Төрткөзім!», «Мойнекем!» –деп, бірін-бірі, 
Дос болып, серт айтысып, құшақтасты. 

Екеуі бірін-бірі сүйді, құшты, 
Қызығы басылмаған достық күшті. 
Ас үйден лақтырылған бір омыртқа 
Солардың нақ жанына келіп түсті. 

Көрген соң майлы сүйек, ит тұрар ма? 
Құшағын жазып ала жүгірісті. 
Достықты, айтқан сертті былай қойып, 
Екеуі бір-біріне салды тісті:

Досты дос мұнан артық қалай сыйлар 
Жүндері бұрқыраған аспанға ұшты. 
Су құйып үстеріне, жиылған жұрт 
Екеуін зордан ғана айырысты. 

Иттерге таласса да жарасады,

Әйтпесе ит әдетінен адасады.

Дос болған адамдарға қарап тұрсақ,

Биікпен тең деп болмас аласаны.

Сүйектей арасына дүние түссе,

Иттерден олар артық таласады.
 

Байланысты жаналықтар

Бас бапкер Черчесов қазақ тілінде сұрақ қойған тілшіні мазақ қылды

14.10.2024

Қазақстан азаматтығын алатындарға қазақ тілін білу міндеттелді

14.10.2024

Бауыржан Жақып «Қазақ әдебиеті» газетінің бас редакторы болып тағайындалды

09.10.2024

Президент Қасым-Жомарт Тоқаев ұстаздар қауымын құттықтады

05.10.2024

Елордалық 3500 мұғалім марапатқа ие болды

05.10.2024

Алаштанушы ғалым Ғарифолла Әнес дүниеден өтті

21.09.2024
MalimBlocks
Бас бапкер Черчесов қазақ тілінде сұрақ қойған тілшіні мазақ қылды

Қазақстан азаматтығын алатындарға қазақ тілін білу міндеттелді

Бауыржан Жақып «Қазақ әдебиеті» газетінің бас редакторы болып тағайындалды

Президент Қасым-Жомарт Тоқаев ұстаздар қауымын құттықтады

Мемлекет басшысы педагогтерге жасалып жатқан жағдайларға тоқталды

Елордалық 3500 мұғалім марапатқа ие болды

Биылғы оқу жылында білім беру ұйымдарына 2 мыңнан астам педагог қабылданған

Алаштанушы ғалым Ғарифолла Әнес дүниеден өтті

Ғалым 67 жасында жарық дүниемен қош айтысты