"АҚШ-ты Қытайға саттың". Камала Харрис Трампты айыптады

АҚШ-тың ABC News теларнасында президенттікке үміткер Дональд Трамп пен Камала Харрис арасында пікірталас өтті.

Үміткерлер 90 минут бойы телеарна жүргізушілерінің сұрақтарына жауап берді. Бұл пікірталас - 5 қараша өтетін сайлаудың алдындағы маңызды сәт. Ұлттық сауалнама нәтижелері екі кандидаттың тең келе жатқанын көрсеткен болатын.

Пікірталас кезінде Харрис бәсекелесін Қытайға чиптерді жеткізуге көмектесті деп айыптады, айтуынша, бұл Қытай қарулы күштерінің модернизациясына әкелген.

- Трамп президент болған кезде америкалық чиптерді Қытайдың қарулы күштерін жақсартып, модернизациялауға көмектесу үшін соларға сата бастады. Былайша айтқанда, бізді сатып жіберді, - деді АҚШ вице-президенті.

Сондай-ақ  Харрис Трамптың шетелдік тауарлардың импортына баж салығын көбейткенін сынға алды.  

Трамп халықты жұмыссыздыққа алып келді. Біз Дональд Трамп ұйымдастырған тәртіпсіздіктерді ретке келтірдік, - деді Харрис.

Ал республикалық партия кандидаты Харристы Джо Байден әкімшілігі басқарған кезеңдегі инфляция үшін сынға алып, иммиграция мәселесін де көтерді. Трамп Харрис жеңген жағдайда елдің «табысқа жету мүмкіндігі жоқ» деп мәлімдеді.

- Ол бұл елді құртып жатыр. Егер ол президент болса, елдің табысқа жетуге еш мүмкіндігі болмайды. Біз "стереоидқа отырған" Венесуэлаға айналамыз, - деді Трамп Латын Америкасы елдерінен келген заңсыз мигранттардың АҚШ-қа ағылуын алға тартып.

Фото: AP Photo/Alex Brandon