"Cоғыстың кесірінен Рамазан мерекесін мұсылмандар тойлай алмай отыр" - БҰҰ бас хатшысы

БҰҰ бас хатшысы Антонио Гутерриш мұсылмандарды Ораза айт мерекесімен құттықтады, - деп хабарлайды Malim.kz тілшісі.

Бұл туралы ол X әлеуметтік желісіндегі парақшасында бөлісті.  

"Миллиондаған мұсылман жойқын соғыс пен қақтығыс салдарынан Рамазан мейрамын отбасыларымен тойлау мүмкіндігінен айырылды", — деді Біріккен Ұлттар Ұйымының бас хатшысы Антониу Гутерриш.

Ол мұсылман қауымын Ораза айт мерекесімен құттықтады. 

"Мен әлемнің барша мұсылманына Рамазандағы ораза айт мейрамына орай ізгі тілегімді жолдағым келеді. Құттықтау жолдай отырып, соғыс пен қақтығыс, мәжбүрлі қоныс аудару салдарынан бұл күнді отбасымен бірге атап өте алмаған мұсылмандарды ойласам қабырғам қайысады", - деп жазды Гутерриш.

Ол Ораза айт ынтымақ пен мейірімділіктің белгісі екенін атап өтті. БҰҰ басшысы бұл мейрам адамдарды, олардың құндылықтарын біріктіретініне үмітті екенін жеткізді.

Фото: aa.com.tr