Америкалық кәсіпкер және Tesla Motors компаниясының негізін қалаушы Илон Масктің анасы Мэй Маск қазан айында Алматыға келеді.
Мэй Маск BeWoman Орталық Азия әйелдер форумына қатысады. Бұл туралы шараны ұйымдастырушылар хабарлады.
Америкалық қонақ денсаулық, тамақтану, қартаю, гендерлік теңдік, баланы жалғыз асырау, кедергілерді еңсеру мен өзіне деген сенімділікті арттыру туралы ойларымен бөліседі.
Айта кетсек, Мэй Маск – диетология докторы, ғылым магистрінің екі дәрежесі бар. Ол 45 жылдан астам уақыт тамақтану саласында кәсіп жүргізіп, көпшілікке кеңес берумен айналысып келеді.
Мэй Маск Алматыға алғаш рет келгелі отыр.
Фото: Danny Moloshok / Reuters
