Өзбекстан парламентінің төменгі палатасы кітап оқығаны үшін сотталғандардың жаза мерзімін қысқартуды көздейтін заң жобасын мақұлдады, деп хабарлайды Malim.kz.
Құжатқа сәйкес қылмыстық кодекске «сотталғандарды моральдық тұрғыда түзету» туралы жаңа бап енгізу жоспарланған. Осы бағдарлама аясында тұтқындар бекітілген тізімдегі әрбір оқылған кітап үшін жаза мерзімін үш күнге қысқарта алады, егер олар оның мазмұны бойынша емтиханды сәтті тапсырса ғана бұл жеңілдік беріледі.
Бұл ретте шектеу де бар, яғни сотталғандар жылына 10 кітаптан көп шығарма оқып, емтихан тапсыра алмайды. Сарапшылардың пайымынша, аталған бастама темір торға түскендерді тиімді оңалтуға ықпал етеді.
Өзбекстан ішкі істер министрінің орынбасары Рамазан Шарапов көркем әдебиетті оқу сотталғандарға басқалардың эмоциялары мен сезімдерін жақсы түсінуге, сондай-ақ олардың мінез-құлқын қайта қарауға көмектесетінін атап өтті.
Енді аталған заң жобасы Сенаттың қарауына енгізіледі. Тиісті талқылаудан сұрыпталып шыққан нұсқа кейін қол қою үшін Өзбекстан президентіне жолданады.
Фото: pixabay.com
Байланысты жаналықтар
MalimBlocks
