Саясат Аналитика Қоғам Мәдениет Сұқбат Спорт Абай-175 Ұлттық спорт Экономика Malim podcast Inclusive society Әлем Құқық Денсаулық Тұлға-таным кино Білім-ғылым Шоу-бизнес Әдебиет Оқиға Экология Хикаялар MALIMet

Атырау облысында малшыға қасқыр шапты

Оқиға
Атырау облысында малшыға қасқыр шапты

Атырау облысында шаруа қожалығының жұмысшысына қасқыр шауып, қолынан қауып алған. 


Оқиға кеше, 19 желтоқсанда Индер ауданындағы Елтай ауылдық округінің аумағында орналасқан Көктөбе қыстағында болған. Мұнда «Бекзат» шаруа қожалығының малшылары қоныстанған.

Ауылдық округ ветеринары Амантай Мұқатовтың дерегіне сүйенсек, қожалық жұмысшысы Болат Сариев малға шөп салу үшін аулаға кірген. Сол кезде оған түз тағысы шапқан.

– Қасқыр Болат Сариевтің қолын тістеп алған. Оның қолында қасқыр тісінің ізі бар. Ол қасқырмен алысқан сәтте інісі Аманжол дереу жеткен. Екеуі қасқырды ұрып өлтірген, -деді Амантай Мұқатов.

Ветеринардың айтуынша, қасқырдың басы облыстық ветеринарлық зертхана тапсырылған. Ал өлексесі санитарлық талапқа сай өртеліп, кейін көмілген.

Түз тағысы тістеген Болат Сариев аудан орталығы – Индербор кентіндегі ауруханада амбулаториялық ем қабылдап жатыр.

Жарақат алған Болат Сариевтің баласы әлеуметтік желіде қасқыр түсірілген видеоны жүктеді.

Оның айтуына қарағанда, екі-үш күн бұрын дәл осындай оқиға Ынтымақ ауылында да болған.

Фото: видеодан скрин 

Ұқсас мақалалар

Жылдам сілтемелер
Іздеу