Қырым мен Донбасстың мәселесін шешудің ең тиімді жолы Мәскеуді атом бомбасымен атқылау. Бұндай мәлімдемені Украина Жоғарғы радасының гуманиратия және ақпараттық саясат комитеті басшысының орынбасары Никита ПОТУРАЕВ жасады.
ukranews.com сайтының жазуынша, депутат бұл жайлы мемлекеттік «Дом» телеарнасының ашылу салтанатында айтқан. Жаңа телеарна Ресей жауалап алған аймақтарға тарайтын болады. Ол жерде Украинада азаматтық соғыс деген термин қолданылмайды. Тиісінше ОБСЕ қолданатын Ресей – агрессор мемлекет деген тіркес пайдалынылады. Ресей тарапынан «Дом» арнасының радиосигналына кедергі келтірулері де ықтимал дейді депутат.
«Арнаның таралуына радиоэлектрлі күрестің болуы мүмкін. Мәскеуге лақтыратын атом бомбамыз жоқ. Қырым мен Донбасс мәселесін шешудің ең тиімді жолы сол болар еді», - деді депутат Никита Потураев.
2014 жылы Украинада өткен революция кезінде Қырым жарты аралын Ресей Федерациясы өз құрамына қосып алды. 2017 жылдың 27 ақпан күні Қырым автономиясының парламентін «жасыл адамдардың» басып алғанын батыс ақпарат құралдары сан мәрте жазған. Артынша Украинаны шығысындағы екі облыс өздерін Луганск Халық Республикасы, Донецк Халық Республикасы деп жариялады. Алайда олардың мемлекеттілігін халықаралық қауымдастықтар мен бірде-бір дамыған мемлекеттер мойындамады. Сондай-ақ, ресми Киев шығыс Украинада ресейлік әскери құрылымдардың жүргенін сан мәрте мәлімдеді. Және айғақтарды да ұсынған болатын.
Фото: news.liga.net
