Өткен тәулікте коронавирусқа 159 адам шалдықса, екі адам көз жұмған. Жетпіс алты адам құлан таза айығыпты. Бұл туралы МӘЛІМ КЗ сайты хабарлайды.
«Қазіргі уақытта коронавирустық инфекциядан 13 832 адам ем қабылдауды жалғастыруда. Олардың арасында 1 004 бала бар. Стационарларда 3 762 науқас жатыр. 10 070 адам амбулаториялық жағдайда емделуде. Жалпы науқастардың арасында 230 адамның ахуалы нашар. Соның ішінде 41 науқастың ахуалы аса қатты ауыр деп бағалануда. 44 науқас өкпені жасанды желдету аппаратында жатыр»,- делінген Денсаулық сақтау министрлігі таратқан хабарламада.
Ресми мәлімет бойынша көктем айларынан бері Қазақстанда 139159 адам ауырса, оның 123215-і жазылып шыққан. 2088 адам дүниеден өткен екен.
Фото: theopenasia.net
