Тәуелсіздік күнін 25 қазанда атап өтуді ұсынды

Айшолпан КЕРІМ

  • 20.10.2021

Тәуелсіздік күнін 25 қазанда тойлап, ал 16 желтоқсанды «жалпыұлттық қаралы күн» деп бекіту керек. Бүгін Алматыда баспасөз мәслихатын өткізген жазушы Марат Тоқашбай, Есенқазы Қуандық, желтоқсаншы Халелхан Ыбрайымханұлы мен Жанат Қазақбай осындай бастама көтерді. 
Жазушы Есенқазы Қуандықтың сөзінше, Тәуелсіздік күнін боздақтардың қаны төгілген күні тойлату – тарихты мазақтаумен тең.
«16 желтоқсан Тәуелсіздік күнін тойлау – құнсыз, легитимсіз, кезінде бөлініп шығу үшін қажет болған соң істей салынған әрекет.  Қайғылы, қасіретті күрес жалғасы болған қаралы күнді мейрам ету қазақ халқының менталитетіне жат нәрсе. Осы ойымызды халық болып қолдайсыздар деп үміттенеміз. Мұны айтып, шырылдап жатқанымыздың басты себепкері – жастар. Жастар қазір бұрмаланған тарихты оқып, тәуелсіздікті Назарбаев алып берді деп жүр. Тарих ұмыт болмауы керек, тарихқа қастандық жасауға болмайды»,- дейді ол.
Желтоқсаншы Халелхан Ыбрайымханұлы жазушының ойын құптайды екен.
«16-17 желтоқсан гүл қойып қайтқан соң, не біреуге барып «Мейрамыңмен!» деп құттықтай алмаймыз, не жылап, көңіл айта алмаймыз. Екі ойлы болып жүргелі отыз бес жыл болды. Желтоқсаншылардың алды өліп жатыр. Арты болып біз қалдық. Қазір алдымызда тұрған іс – осы мәселені шешу. 16-17 желтоқсан - "Еске алу күні" десін, қаралы күн жарияламаса жарияламай-ақ қойсын. 25 қазан – "Тәуелсіздік күні!" деп аталсын. Бар ұсынысымыз осы», - деді желтоқсаншы.

Бастама көтергендер Тәуелсіздік күнін жаңаша тойлауды алдағы демалыс күндері бастап кетуге шақырды. 
«Атажұрт» қоғамдық бірлестігінің жетекшісі Қыдырәлі Оразұлы 23-25 қазан аралығында Тәуелсіздік алаңына гүл шоғын алып шығып, отыз жылдық мерейлі датаны ауыл-аудан деңгейінде тойлауды, осы іске жастардың белсене қатысуын сұрайтынын жеткізді.
«Биыл 25 қазан дүйсенбіге түсетіндіктен, билік бұл ұсынысымызға не деп жауап берері белгісіз, сондықтан  23-25 қазан аралығында мерекені үш күн тойлауға ат салысуды ұсынамыз, алаңдарға шығып, әкімшілікке барып, ту ұстап, жастарды жинап, тойлаңыздар. Бұл күннің мәртебесін арттырайық. Ал 16 желтоқсан күні 1986 жылы Алматыда, 2011 жылы Жаңаөзендегі ереуілге шығып, қаза болғандарды еске алу күні болып бекітілсін. Сондай-ақ, саяси тұтқындарды босатып, қуғын сүргінді тоқтатуды ұсынамыз», - деді ол.

Еске сала кетейік, 25 қазан "Республика күні" ретінде Қазақстанда 1992 жылдан бастап аталып өтіліп, 2001 жылы мемлекеттік мерекелер тізіміне енгізілді. Ал 2009 жылы сәуірде Нұрсұлтан Назарбаевтың жарлығымен Республика күні мемлекеттік мерекелер тізімінен алынып тасталды.

Байланысты жаналықтар

«Kazakh Tourism» Димаш Құдайбергенге 56 млн теңге төлегені рас па?

29.01.2025

«Жылқыны қолға үйреткен қазақтар емес». Блогердің пікірі желі қолданушыларының ашуын туғызды

27.01.2025

Биыл мемлекет қаржысына түсірілген қандай фильмдер экранға шығады

25.01.2025

Әншілердің фонограммамен айтқаны жайлы дерек жоқ – Мәдениет министрлігі

24.01.2025

Дәулеткерей Кәпұлы АЛЖИР мұражайының директоры қызметіне тағайындалды

16.01.2025

Алматыда Ермек Серкебаевтың ескерткіші ашылды

16.01.2025
MalimBlocks
«Kazakh Tourism» Димаш Құдайбергенге 56 млн теңге төлегені рас па?

«Жылқыны қолға үйреткен қазақтар емес». Блогердің пікірі желі қолданушыларының ашуын туғызды

Оның айтуынша, қамбар ата түлігін пайғамбарлардың бірі қолға үйреткен

Биыл мемлекет қаржысына түсірілген қандай фильмдер экранға шығады

Әншілердің фонограммамен айтқаны жайлы дерек жоқ – Мәдениет министрлігі

Дәулеткерей Кәпұлы АЛЖИР мұражайының директоры қызметіне тағайындалды

Ол бұған дейін Қазақстан Жазушылар одағы Астана қалалық филиалының директоры болды

Алматыда Ермек Серкебаевтың ескерткіші ашылды

Ермек Серкебаевтың бейнесін қоладан сомдаған мүсіншілер – Айдос Бүркітбаев, Тимур Ермұхаметов, Ақылбек Орманбеков және Қуаныш Асылбай.