Кәсіпкер біржолғы 255 мың теңге немесе 1 миллион теңге аударым үшін бақылауға алынбайды, деп хабарлады ҚазТаг.
«Егер кәсіпкерге 255 мың теңге немесе 1 миллион теңге түссе, ол бақылауға алынбайды. Бұл бірреттік аударым туыстары немесе достарынан болуы мүмкін. Егер ақша әртүрлі адамнан жүйелі түрде бірнеше ай қатарынан түссе және бұл сома 255 мың теңгені құраса, тек сол жағдайда ғана жауап алынады», - деді Біржанов Сенат кулуарында.
Сондай-ақ ол төлемдер емес, тек аударымдар қарастырылатынын айтты.
«Біріншіден, бұл әртүрлі адамнан 100 аударым түссе, екіншіден, үш ай қатарынан болса, және соңғысы енді енгізіліп жатқан – жалпы сома 255 мың теңгеден асса. Яғни осы барлық үш көрсеткіш бойынша шектен асса, бұл жағдайда жеке кәсіпкерлерге түсініктеме беруі үшін хабарлама жіберіледі», - деп түсіндірді спикер.
Фото: ашық дереккөзден
