Израильде, Иорданияда, БАӘ-де, Бахрейнде, Катарда және Кувейтте әуе дабылы жарияланды, деп хабарлайды Malim.kz DW-ге сілтеме жасап.
Таяу Шығыстағы осы сәттегі жағдай:
Біріккен Араб Әмірліктері мен Катар әуе кеңістігін жапты. Дохада ирандық зымыранның атып түсірілгені хабарланды. Абу-Даби мен Бахрейн аумағында жарылыстар болды. Амман қаласында және Кувейтте әуе дабылының сиреналары қосылды.
Иран Израильге қарай зымырандар мен ұшқышсыз аппараттар жіберіп жатқанын растады. КСИР мұны «қылмыскер жаудың агрессиясына жауап» деп атады. Израильде әуе дабылы жарияланып, көптеген тұрғындар бомбадан қорғану орындарына жасырынды. Иерусалимде жарылыстар естілген.
АҚШ Иранға қарсы әскери операциясын «Эпикалық қаһар» деп атады, ал Израиль өз операциясына «Арыстанның айбаты» деген атау берген.
Иранның рухани көсемі Аятолла Али Хаменеи мен ел президенті Масуд Пезешкиан тірі және қауіпсіз жерде, деп хабарлады ирандық мемлекеттік БАҚ.
